5. бходжанаппат̣иггахан̣апат̣хамасиккха̄падаван̣н̣ана̄

пан̃чаме авассута̄ти чхандара̄гена тинта̄. авассутасса̄ти та̄дисассева. кха̄деййа ва̄ бхун̃джеййа ва̄ти еттха пат̣иггахан̣е тхуллаччайам̣, аджджхоха̄ре аджджхоха̄ре сан̇гха̄дисесо.

са̄ваттхийам̣ сундарӣнандам̣ а̄раббха авассута̄йа авассутасса хаттхато а̄мисаппат̣иггахан̣аваттхусмим̣ пан̃н̃аттам̣, екатоавассуте пат̣иггахан̣е дуккат̣ам̣, аджджхоха̄ре аджджхоха̄ре тхуллаччайам̣, йаккхапетапан̣д̣акатираччха̄нагатамануссавиггаха̄нам̣ хаттхато убхатоавассутепи сати есева найо. таттха пана екатоавассуте сати дуккат̣ам̣, саббаттха удакадантапонаггахан̣епи парибхогепи дуккат̣амева. убхосу анавассутесу, ‘‘анавассуто’’ти ва̄ н̃атва̄ ган̣хантийа̄, умматтика̄дӣнан̃ча ана̄патти. удакадантапонато ан̃н̃ам̣ аджджхохаран̣ӣйам̣, убхатоавассутата̄, сахаттха̄ гахан̣ам̣, аджджхохаран̣анти има̄неттха чатта̄ри ан̇га̄ни. самут̣т̣ха̄на̄дӣни пат̣хамапа̄ра̄джикасадиса̄нӣти.

бходжанаппат̣иггахан̣апат̣хамасиккха̄падаван̣н̣ана̄ нит̣т̣хита̄.