10. сиккхам̣пачча̄чиккхан̣асиккха̄падаван̣н̣ана̄

дасаме ким̣нума̄ва саман̣ийоти ким̣ну има̄ ева саман̣ийо. та̄са̄ханти та̄сам̣ ахам̣. йа̄вататийакападаттхо бхиккхупа̄тимоккхаван̣н̣ана̄йам̣ (кан̇кха̄. ат̣т̣ха. нигаманаван̣н̣ана̄), авасесавиниччхайо ча таттхева сан̇гхабхедасиккха̄падаван̣н̣ана̄йам̣ вуттанайенева ведитаббо, идам̣ пана са̄ваттхийам̣ чан̣д̣ака̄л̣ибхиккхуним̣ (па̄чи. 709) а̄раббха ‘‘буддхам̣ пачча̄чиккха̄мӣ’’тиа̄дивачанаваттхусмим̣ пан̃н̃аттам̣, евам̣ вачанамева четтха чатӯсу ан̇гесу пат̣хамам̣ ан̇ганти айам̣ висесо, сесам̣ та̄дисамева̄ти.

сиккхам̣пачча̄чиккхан̣асиккха̄падаван̣н̣ана̄ нит̣т̣хита̄.