74. харитеучча̄расиккха̄падаван̣н̣ана̄

ат̣т̣ха̄расаме йампи джӣвама̄наруккхасса мӯлам̣ патхавийам̣ диссама̄нам̣ гаччхати, са̄кха̄ ва̄ бхӯмилагга̄ гаччхати, саббам̣ харитасан̇кха̄тамева. кхандхе нисӣдитва̄ пана аппахаритат̣т̣ха̄не па̄тетум̣ ват̣т̣ати. саче аппахаритат̣т̣ха̄нам̣ олокентассева сахаса̄ никкхамати, гила̄нат̣т̣ха̄не т̣хито хоти, ‘‘аппахарите като харитам̣ оттхаратӣ’’ти (па̄чи. 652) идаметтха ана̄паттийам̣ адхикам̣. таттха сачепи аппахаритам̣ алабхантена тин̣ан̣д̣упакам̣ ва̄ палалан̣д̣упакам̣ ва̄ т̣хапетва̄ като паччха̄ харитам̣ оттхарати, ват̣т̣атийева. кхел̣ена четтха син̇гха̄н̣ика̄пи сан̇гахита̄.