63. йа̄насиккха̄падаван̣н̣ана̄
саттаме сачепи двӣхи джанехи хаттхасан̇гха̄т̣ена гахито, са̄т̣аке ва̄ т̣хапетва̄ вам̣сена вайхати, айутте ва̄ вайха̄дике йа̄не висан̇кхаритва̄ ва̄ т̣хапите чаккаматтепи нисинно хоти, йа̄нагатотвева сан̇кхам̣ гаччхати. саче пана двепи екайа̄не нисинна̄ хонти, ват̣т̣ати. висум̣ нисиннесупи учче йа̄не нисиннена нӣче нисиннасса десетум̣ ват̣т̣ати, самаппама̄н̣епи ват̣т̣ати, татха̄ пуриме нисиннена паччхиме нисиннасса. паччхиме пана уччатарепи нисиннена десетум̣ на ват̣т̣ати.