1. суттантабха̄джанӣйаван̣н̣ана̄

642. саббадхӣти диса̄десодхина̄ анодхисопхаран̣ам̣ вуттам̣, саббаттата̄йа сабба̄вантанти саттодхина̄. тена̄ха ‘‘анодхисо дассанаттха’’нти. татха̄-саддо ити-саддо ва̄ на вуттоти ‘‘метта̄сахагатена четаса̄’’ти етасса ануваттакам̣ там̣ двайам̣ тасса пхаран̣антара̄дит̣т̣ха̄нам̣ ат̣т̣ха̄нанти катва̄ на вуттам̣, пуна ‘‘метта̄сахагатена четаса̄’’ти вуттанти аттхо.

643. хироттаппа̄нупа̄лита̄ метта̄ на париха̄йати а̄саннасапаттасса ра̄гасса синехасса ча випаттийа̄ ануппаттитоти адхиппа̄йо.

645. адхимун̃читва̄ти сут̣т̣ху паса̄ретва̄ти аттхо. там̣ дассенто ‘‘адхикабха̄вена̄’’тиа̄дима̄ха, балавата̄ ва̄ адхимоккхена адхимуччитва̄.

648. хет̣т̣ха̄ вуттойева̄ти ‘‘саббена саббам̣ саббатха̄ сабба’’нти етесам̣ ‘‘саббена сиккха̄сама̄да̄нена саббам̣ сиккхам̣, саббена сиккхитабба̄ка̄рена саббам̣ сиккха’’нти ча джха̄навибхан̇ге (вибха. ат̣т̣ха. 516) аттхо вутто. идха пана саббена авадхина̄ аттасамата̄йа саббасаттайуттата̄йа ча саббам̣ локам̣, сабба̄вадхидиса̄дипхаран̣а̄ка̄рехи саббам̣ локанти ча аттхо йуджджати.

650. паччаттхикавигха̄тавасена̄ти метта̄дӣнам̣ а̄саннадӯрапаччаттхика̄нам̣ ра̄габйа̄па̄да̄дӣнам̣ вигха̄тавасена. йам̣ аппама̄н̣ам̣, со авероти со аверабха̄воти айам̣ ва̄ тасса аттхоти.

653. нирайа̄ди гати, чан̣д̣а̄ла̄ди кулам̣, анна̄дӣнам̣ ала̄бхита̄ бхого. а̄ди-саддена дуббан̣н̣ата̄ди гахитам̣.

суттантабха̄джанӣйаван̣н̣ана̄ нит̣т̣хита̄.