3. пан̃хапуччхакаван̣н̣ана̄

150. читтуппа̄дарӯпавасена там̣ там̣ самуда̄йам̣ екекам̣ дхаммам̣ катва̄ ‘‘пан̃чапан̣н̣а̄са ка̄ма̄вачарадхамме’’ти а̄ха. раджджантасса̄тиа̄дӣсу ра̄га̄дайо чхасу два̄ресу сӣла̄дайо ча пан̃ча сам̣вара̄ йатха̄самбхавам̣ йоджетабба̄, саммасанам̣ пана манодва̄ре ева. рӯпа̄рӯпа̄вачарадхаммесу абхиджджха̄доманасса̄диуппатти аттхӣти тато сатисам̣варо н̃а̄н̣авӣрийасам̣вара̄ ча йатха̄йогам̣ йоджетабба̄. париггахавачанена саммасанапаччавеккхан̣а̄ни сан̇ган̣ха̄ти. тейева̄ти чатта̄ро кхандха̄ вутта̄.

сама̄не деситаббе десана̄маттасса париват̣т̣анам̣ париват̣т̣о. тӣсупи париват̣т̣есу каттхачи кин̃чи ӯнам̣ адхикам̣ ва̄ наттхӣти катва̄ а̄ха ‘‘екова париччхедо’’ти.

пан̃хапуччхакаван̣н̣ана̄ нит̣т̣хита̄.

кхандхавибхан̇гаван̣н̣ана̄ нит̣т̣хита̄.