1-8. пат̣хамавинайадхарасутта̄диван̣н̣ана̄

75-82. ат̣т̣хамасса пат̣хамам̣ дутийан̃ча утта̄наттхамева. татийе винайалаккхан̣е патит̣т̣хито ладжджибха̄вена винайалаккхан̣е т̣хито хоти. аладжджӣ (па̄ра̄. ат̣т̣ха. 1.45) хи бахуссутопи сама̄но ла̄бхагаруката̄йа тантим̣ висам̣ва̄детва̄ уддхаммам̣ уббинайам̣ саттхуса̄санам̣ дӣпетва̄ са̄сане махантам̣ упаддавам̣ кароти, сан̇гхабхедампи сан̇гхара̄джимпи уппа̄дети. ладжджӣ пана куккуччако сиккха̄ка̄мо джӣвитахетупи тантим̣ ависам̣ва̄детва̄ дхаммамева винайамева ча дӣпети, саттхуса̄санам̣ гарум̣ катва̄ т̣хапети. евам̣ йо ладжджӣ, со винайам̣ аджаханто авоккамантова ладжджибха̄вена винайалаккхан̣е т̣хито хоти патит̣т̣хито.

асам̣хӣроти еттха сам̣хӣро на̄ма йо па̄л̣ийам̣ ва̄ ат̣т̣хакатха̄йам̣ ва̄ хет̣т̣ха̄ ва̄ упарито ва̄ падапат̣ипа̄т̣ийа̄ ва̄ пуччхийама̄но виттхунати виппхандати, сан̣т̣ха̄тум̣ на саккоти, йам̣ йам̣ парена вуччати, там̣ там̣ ануджа̄на̄ти, сакава̄дам̣ чхад̣д̣етва̄ парава̄дам̣ ган̣ха̄ти. йо пана па̄л̣ийам̣ ва̄ ат̣т̣хакатха̄йам̣ ва̄ хет̣т̣хупарийавасена ва̄ падапат̣ипа̄т̣ийа̄ ва̄ пуччхийама̄но на виттхунати на виппхандати, екекаломам̣ сан̣д̣а̄сена ган̣ханто вийа ‘‘евам̣ майам̣ вада̄ма, евам̣ но а̄чарийа̄ вадантӣ’’ти виссаджджети. йамхи па̄л̣и ча па̄л̣ивиниччхайо ча суван̣н̣абха̄джане паккхиттасӣхаваса̄ вийа париккхайам̣ парийа̄да̄нам̣ агаччханто тит̣т̣хати, айам̣ вуччати асам̣хӣро. йасма̄ пана еварӯпо йам̣ йам̣ парена вуччати, там̣ там̣ на̄нуджа̄на̄ти, аттана̄ сувиниччхинитам̣ катва̄ гахитам̣ авипарӣтаматтхам̣ на виссаджджети, тасма̄ вуттам̣ ‘‘на саккоти гахитаггахан̣ам̣ виссаджджа̄пету’’нти. чатуттха̄дӣни сувин̃н̃еййа̄ни.

пат̣хамавинайадхарасутта̄диван̣н̣ана̄ нит̣т̣хита̄.