6-8. винибандхасутта̄диван̣н̣ана̄

206-8. чхат̣т̣хе паваттитум̣ аппада̄навасена кусалачиттам̣ винибандхантӣти четасовинибандха̄. там̣ пана винибандханта̄ мут̣т̣хигга̄хам̣ ган̣ханта̄ вийа хонтӣти а̄ха ‘‘читтам̣ винибандхитва̄’’тиа̄ди. ка̄магиддхо пуггало ваттхука̄мепи килесака̄мепи асса̄дети абхинандатӣти вуттам̣ ‘‘ваттхука̄мепи килесака̄мепӣ’’ти. аттано ка̄йети аттано на̄мака̄йе, аттабха̄ве ва̄. бахиддха̄рӯпети паресам̣ ка̄йе аниндрийабаддхарӯпе ча. ударам̣ авадихати упачиноти пӯретӣти удара̄вадехакам̣. сеййасукханти сеййа̄йа сайанавасена уппаджджанакасукхам̣. сампариваттаканти сампариваттитва̄. пан̣идха̄йа̄ти тан̣ха̄васенева пан̣идахитва̄. ити пан̃чавидхопи лобхависесо ева ‘‘четовинибандхо’’ти вуттоти ведитаббо. саттамат̣т̣хамесу наттхи ваттаббам̣.

винибандхасутта̄диван̣н̣ана̄ нит̣т̣хита̄.