7-9. чодана̄сутта̄диван̣н̣ана̄

167-9. саттаме ваттхусандассана̄ти йасмим̣ ваттхусмим̣ а̄патти, тасса сарӯпато дассанам̣. а̄паттисандассана̄ти йам̣ а̄паттим̣ со а̄панно, тасса̄ дассанам̣. сам̣ва̄саппат̣иккхепоти упосатхаппава̄ран̣а̄дисам̣ва̄сасса пат̣иккхипанам̣ акаран̣ам̣. са̄мӣчиппат̣иккхепоти абхива̄дана̄диса̄мӣчикирийа̄йа акаран̣ам̣. чодайама̄нена̄ти чодентена. чудитакасса ка̄лоти чудитакасса чодетаббака̄ло. пуггаланти чодетаббапуггалам̣. упапариккхитва̄ти ‘‘айам̣ чудитакалаккхан̣е тит̣т̣хати, на тит̣т̣хатӣ’’ти вӣмам̣ситва̄. айасам̣ а̄ропетӣти ‘‘име мам̣ абхӯтена аббха̄чиккханта̄ айасам̣ бйасанам̣ уппа̄дентӣ’’ти бхиккхӯнам̣ айасам̣ уппа̄дети. ат̣т̣хаманавама̄ни утта̄наттха̄нева.

чодана̄сутта̄диван̣н̣ана̄ нит̣т̣хита̄.