6. кусина̄расуттаван̣н̣ана̄

76. чхат̣т̣хе нагарам̣ пависитука̄ма̄ уййа̄нато упечча ваттанти гаччханти етена̄ти упаваттанам̣. йатхева хи каламбанадитӣрато ра̄джама̄тувиха̄радва̄рена тхӯпа̄ра̄мам̣ гантаббам̣ хоти, евам̣ хиран̃н̃аватика̄йа па̄риматӣрато са̄лаванам̣ уййа̄нам̣, йатха̄ анура̄дхапурасса тхӯпа̄ра̄мо даккхин̣апаччхимадиса̄йа, евам̣ там̣ уййа̄нам̣ кусина̄ра̄йа даккхин̣апаччхимадиса̄йа хоти. йатха̄ тхӯпа̄ра̄мато даккхин̣адва̄рена нагарам̣ пависанамагго па̄чӣнамукхо гантва̄ уттарена ниваттати, евам̣ уййа̄нато са̄лапанти па̄чӣнамукха̄ гантва̄ уттарена ниватта̄, тасма̄ там̣ ‘‘упаваттана’’нти вуччати. антарети двиннам̣ са̄ларуккха̄нам̣ вемаджджхе. таттха хи пан̃н̃а̄пийама̄насса ман̃часса ека̄ са̄лапанти сӣсабха̄ге хоти, ека̄ па̄дабха̄ге. татрапи еко тарун̣аса̄ло сӣсабха̄гасса а̄санно хоти, еко па̄дабха̄гасса. апича йамакаса̄ла̄ на̄ма мӯлакхандхавит̣апапаттехи ан̃н̃аман̃н̃ам̣ сам̣сиббитва̄ т̣хитаса̄ла̄типи ваданти.

двел̣хаканти двидха̄га̄хо, анекам̣сагга̄хоти аттхо. виматӣти сам̣сайа̄паттӣти а̄ха ‘‘виниччхитум̣ асаматтхата̄’’ти. там̣ во вада̄мӣти там̣ сам̣сайавантам̣ бхиккхум̣ сандха̄йа во тумхе вада̄мӣти. никкан̇кхабха̄вапаччаккхакаран̣анти буддха̄дӣсу тесам̣ бхиккхӯнам̣ никкан̇кхабха̄васса паччаккхака̄рийа̄ йа̄тха̄вато таматтхам̣ пат̣ивиджджхитва̄ т̣хитам̣ саббан̃н̃утан̃н̃а̄н̣амева. еттха̄ти етасмим̣ аттхе.

кусина̄расуттаван̣н̣ана̄ нит̣т̣хита̄.