(21) 1. саппурисавагго

1-10. сиккха̄падасутта̄диван̣н̣ана̄

201-210. пан̃чамасса пат̣хаме асаппурисоти ла̄макапурисо. па̄н̣ам̣ атипа̄тетӣти па̄н̣а̄типа̄тӣ. адиннам̣ а̄дийатӣти адинна̄да̄йӣ. ка̄месу миччха̄ чаратӣти ка̄месумиччха̄ча̄рӣ. муса̄ вадатӣти муса̄ва̄дӣ. сура̄мерайамаджджапама̄де тит̣т̣хатӣти сура̄мерайамаджджапама̄дат̣т̣ха̄йӣ. па̄н̣а̄типа̄те сама̄дапетӣти йатха̄ па̄н̣ам̣ атипа̄тети, татха̄ нам̣ таттха гахан̣ам̣ ган̣ха̄пети. сесесупи есева найо. айам̣ вуччатӣти айам̣ еварӯпо пуггало йасма̄ сайам̣катена ча дуссӣлйена саманна̄гато, йан̃ча сама̄дапитена катам̣, тато упад̣д̣хасса да̄йа̄до, тасма̄ ‘‘асаппурисена асаппурисатаро’’ти вуччати. саппурисоти уттамапурисо. саппурисена саппурисатароти аттана̄ ча катена сусӣлйена саманна̄гататта̄ йан̃ча сама̄дапито кароти, тато упад̣д̣хасса да̄йа̄датта̄ уттамапурисена уттамапурисатаро. еттха ча парена катам̣ дуссӣлйам̣ сусӣлйам̣ ва̄ а̄н̣аттийа̄ аттана̄ ча вачиппайогена катанти а̄н̣а̄панавасена пасутапа̄пасса пун̃н̃асса ва̄ да̄йа̄до ‘‘тато упад̣д̣хасса да̄йа̄до’’ти вутто. дутийа̄дӣни утта̄наттха̄нева.

сиккха̄падасутта̄диван̣н̣ана̄ нит̣т̣хита̄.

саппурисаваггаван̣н̣ана̄ нит̣т̣хита̄.

211-220. дутийо париса̄вагго утта̄наттхойева.