1-10. киматтхийасутта̄диван̣н̣ана̄

1-10. ека̄дасаканипа̄тасса пат̣хама̄дӣни утта̄наттха̄нева. дасаме джанитасминти каммакилесехи ниббатте, джане етасминти ва̄ джанетасмим̣, мануссесӯти аттхо. тена̄ха ‘‘йе готтапат̣иса̄рино’’ти. джанитасмим̣-саддо ева ва̄ и-ка̄расса е-ка̄рам̣ катва̄ ‘‘джанетасми’’нти вутто. джанитасминти ча джанасминти аттхо ведитаббо. джанитасминти са̄ман̃н̃аггахан̣епи йаттха чатуван̣н̣асаман̃н̃а̄, таттхева мануссалоке. кхаттийо сет̣т̣хоти айам̣ локасаман̃н̃а̄пи мануссалокейева, на девака̄йе брахмака̄йе ва̄ти дассетум̣ ‘‘йе готтапат̣иса̄рино’’ти вуттам̣. пат̣исарантӣти ‘‘ахам̣ готамо, ахам̣ кассапо’’ти пат̣и пат̣и аттано готтам̣ ануссаранти пат̣иджа̄нанти ва̄ти аттхо.

киматтхийасутта̄диван̣н̣ана̄ нит̣т̣хита̄.

ниссайаваггаван̣н̣ана̄ нит̣т̣хита̄.