2-4. адхивуттипадасутта̄диван̣н̣ана̄

22-24. дутийе адхивачанапада̄нанти пан̃н̃аттипада̄нам̣. да̄са̄дӣсу сиривад̣д̣хака̄дисадда̄ вийа вачанаматтамева адхика̄рам̣ катва̄ паваттийа̄ адхивачанам̣ пан̃н̃атти. атха ва̄ адхисаддо упарибха̄ге. вуччатӣти вачанам̣, упари вачанам̣ адхивачанам̣, упа̄да̄бхӯтарӯпа̄дӣнам̣ упари пан̃н̃апийама̄на̄ упа̄да̄пан̃н̃аттӣти аттхо, тасма̄ пан̃н̃аттидӣпакапада̄нӣти аттхо дат̣т̣хаббо. тасса пада̄ни падат̣т̣ха̄на̄ни адхивачанапада̄ни. тена̄ха ‘‘тесам̣ йе’’тиа̄ди. тесанти адхивачана̄нам̣. йети кхандха̄дайо. адхивуттита̄йа адхивуттийоти дит̣т̣хийо вуччанти. адхикан̃хи сабха̄вадхаммесу сассата̄дим̣, пакатиа̄дим̣, драбйа̄дим̣, джӣва̄дим̣, ка̄йа̄дин̃ча, абхӯтам̣ аттхам̣ аджджха̄ропетва̄ дит̣т̣хийо паваттантӣти. тена̄ха ‘‘атха ва̄’’тиа̄ди. татийачатуттха̄ни сувин̃н̃еййа̄ни.

адхивуттипадасутта̄диван̣н̣ана̄ нит̣т̣хита̄.