5. уттийасуттаван̣н̣ана̄

95. пан̃чаме паччанте бхавам̣ паччантимам̣. па̄ка̄расса тхирабха̄вам̣ уддхамуддхам̣ па̄петӣти уддха̄пам̣, па̄ка̄рамӯлам̣. а̄ди-саддена па̄ка̄радва̄рабандхапарикха̄дӣнам̣ сан̇гахо ведитаббо. пан̣д̣итадова̄рикат̣т̣ха̄нийам̣ катва̄ бхагава̄ атта̄нам̣ дассесӣти дассенто ‘‘екадва̄ранти касма̄ а̄ха̄’’ти чоданам̣ самут̣т̣ха̄песи. йасса̄ пан̃н̃а̄йа васена пурисо пан̣д̣итоти вуччати, там̣ пан̣д̣иччанти а̄ха ‘‘пан̣д̣иччена саманна̄гато’’ти. там̣там̣итикаттаббата̄су чхекабха̄во бйаттабха̄во веййаттийам̣. медхати саммохам̣ хим̣сати видхаматӣти медха̄, са̄ етасса аттхӣти медха̄вӣ. т̣ха̄не т̣ха̄не уппатти етисса̄ аттхӣти т̣ха̄нуппаттика̄, т̣ха̄насо уппаджджанапан̃н̃а̄. анупарийа̄йанти етена̄ти анупарийа̄йо, со ева патхоти анупарийа̄йапатхо, парито па̄ка̄расса анусам̣йа̄йанамагго. па̄ка̄рабха̄га̄ сандха̄табба̄ еттха̄ти па̄ка̄расандхи, па̄ка̄расса пхуллитаппадесо. со пана хет̣т̣химантена двиннампи ит̣т̣хака̄нам̣ вигамена евам̣ вуччатӣти а̄ха ‘‘двиннам̣ ит̣т̣хака̄нам̣ апагатат̣т̣ха̄на’’нти. чхиннат̣т̣ха̄нанти чхиннабхиннаппадесо, чхиддат̣т̣ха̄нам̣ ва̄. тан̃хи виваранти вуччати.

уттийасуттаван̣н̣ана̄ нит̣т̣хита̄.