20. вӣсатимо париччхедо

магга̄магган̃а̄н̣адассанависуддхиниддесаван̣н̣ана̄

1264. паччуппаннасса дхаммасса̄ти паччуппаннасса на̄марӯпадхаммасса.

1266-8. уппаджджато уппаджджантасса на̄марӯпадхаммасса ра̄сито ничайато а̄гаманан̃ча наттхи. диса̄гамананти диса̄йа гаманам̣. нируддхасса̄пи на̄марӯпадхаммасса екасмим̣ т̣ха̄не ничайоти ча наттхи.

1270-1. авиджджа̄самудайа̄ рӯпасамудайо, авиджджа̄ниродха̄ рӯпаниродхо. тан̣ха̄самудайа̄ рӯпасамудайо, тан̣ха̄ниродха̄ рӯпаниродхо. каммасамудайа̄ рӯпасамудайо, камманиродха̄ рӯпаниродхо. а̄ха̄раниродха̄ рӯпаниродхо. дхаммети сан̇кха̄радхамме.

1280. сампаттапат̣иведхасса̄ти сампатталокуттарасан̇кха̄тамаггапхаласса сота̄панна̄дипуггаласса. виппат̣ипаннасса̄ти пат̣ипаттийам̣ аппат̣ипаннасса, вируддхавасена пат̣ипаннасса ва̄.

1286. ка̄йачитта̄нӣти ка̄йа̄ти ведана̄сан̃н̃а̄сан̇кха̄ра̄. читтанти вин̃н̃а̄н̣ам̣.

1290. йато йато паччайа̄дито. йам̣ аматам̣ нибба̄нам̣ виджа̄натам̣ виджа̄нанта̄нам̣ пӣтипа̄моджджам̣, техи лабхитаббам̣ аматам̣, аматам̣ вийа пӣтипа̄моджджам̣ ва̄.

1293. аппаттети аттани маггапхаласмим̣ аппатте. паттасан̃н̃ӣти маггапхале ахам̣ патто асми ити сан̃н̃ито хоти.

1297. са̄равединоти са̄раджа̄нанасӣла̄. танти там̣ магга̄магган̃а̄н̣адассанам̣. идам̣ н̃а̄н̣ам̣ магга̄магган̃а̄н̣адассананти магга̄магган̃а̄н̣адассанам̣ на̄ма.

ити абхидхамма̄вата̄рат̣ӣка̄йа

магга̄магган̃а̄н̣адассанависуддхиниддесаван̣н̣ана̄ нит̣т̣хита̄.

вӣсатимо париччхедо.