18. ат̣т̣ха̄расамо париччхедо

дит̣т̣хивисуддхиниддесаван̣н̣ана̄

1175. йа̄ сан̃джа̄нанаматтам̣ва, сан̃н̃а̄ нӣла̄дито пана̄ти са̄ сан̃н̃а̄ нӣла̄дивасена сан̃джа̄нанаматтам̣ва кароти. лаккхан̣аппат̣иведханти аничча̄дилаккхан̣апат̣ибуджджханам̣.

1177. там̣ вин̃н̃а̄н̣ам̣ уссаккитва̄ уддхам̣ саккам̣ катва̄ сатте маггам̣ па̄петум̣ на саккоти.

1178-9. саббесам̣ пана дхамма̄нам̣ сабха̄вапат̣иведханам̣ авипарӣтавасена пат̣ибуджджханам̣ пан̃н̃а̄йа лаккхан̣ам̣.

1180. сама̄дхи а̄саннака̄ран̣ам̣ ета̄йа̄ти сама̄дха̄саннака̄ран̣а̄.

1181. лаккхан̣енекадха̄ти саббадхаммам̣ пат̣ибуджджханалаккхан̣ена пан̃н̃а̄ва екадха̄ вутта̄.

1183. бхӯрипан̃н̃ена̄ти бхӯте аттхе авипарӣте аттхе раматӣти бхӯри, бхӯри пан̃н̃а̄ етасса̄ти бхӯрипан̃н̃о, тена.

1186-91. тӣсу аттхадхамманируттӣсу ча н̃а̄н̣есу аттхадхамманируттӣсу джа̄тесу н̃а̄н̣есу ча н̃а̄н̣ам̣. йам̣ кин̃чи паччайуппаннам̣ пхалам̣ дхаммаджа̄там̣. бха̄ситаттхоти па̄л̣ийа̄ аттхо. ете пан̃ча дхамма̄ аттхасан̃н̃ита̄ аттхана̄мака̄. пхаланиббаттако хетӯти джананако паччайо. бха̄ситанти па̄л̣и. дхаммасан̃н̃ита̄ти дхаммана̄мака̄. сабха̄ванируттӣти авипарӣтавоха̄ро. парийаттӣти сиккханам̣. савана̄дхигамехи пуббайогена пуббе паваттана̄йа.

1192. бхӯмибхӯтесӯти випассана̄йа бхӯмибхӯтесу.

1194. джанана̄дитоти джа̄тиа̄дито бхӣтена пан̃н̃а̄ бха̄ветабба̄.

1203. ека̄сӣтийа̄ читтена̄ти локуттарачиттаваджджитена випассана̄бхӯмибхӯтена ека̄сӣтийа̄ читтена.

1208. саттасаммохагха̄таттханти саттоти саммохасса вина̄ситаттхам̣.

1211. нирӣхаканти ӣхавирахитам̣ бйа̄па̄равирахитам̣, да̄рураджджусама̄йоге.

1215. убхо бхиджджанти паччайа̄ти ан̃н̃аман̃н̃апаччайака̄ран̣а̄.

1225. антадвайанти ка̄масукхаллика̄нуйогааттакиламатха̄нуйогадвайам̣. бха̄вайети дит̣т̣хивисуддхим̣ вад̣д̣хеййа.

ити абхидхамма̄вата̄рат̣ӣка̄йа

дит̣т̣хивисуддхиниддесаван̣н̣ана̄ нит̣т̣хита̄.

ат̣т̣ха̄расамо париччхедо.