11. моггалла̄насуттам̣

843. татра кхо бхагава̄ бхиккхӯ а̄мантеси – ‘‘там̣ ким̣ ман̃н̃атха, бхиккхаве, катамесам̣ дхамма̄нам̣ бха̄витатта̄ бахулӣкататта̄ моггалла̄но бхиккху евам̣махиддхико евам̣маха̄нубха̄во’’ти? бхагавам̣мӯлака̄ но, бханте, дхамма̄ бхагавам̣неттика̄…пе… ‘‘чатуннам̣ кхо, бхиккхаве, иддхипа̄да̄нам̣ бха̄витатта̄ бахулӣкататта̄ моггалла̄но бхиккху евам̣махиддхико евам̣маха̄нубха̄во’’.

‘‘катамесам̣ чатуннам̣? идха, бхиккхаве, моггалла̄но бхиккху чхандасама̄дхиппадха̄насан̇кха̄расаманна̄гатам̣ иддхипа̄дам̣ бха̄вети – ‘ити ме чхандо на ча атилӣно бхависсати, на ча атиппаггахито бхависсати, на ча аджджхаттам̣ сам̣кхитто бхависсати, на ча бахиддха̄ виккхитто бхависсати’. паччха̄пуресан̃н̃ӣ ча вихарати – ‘йатха̄ пуре татха̄ паччха̄, йатха̄ паччха̄ татха̄ пуре; йатха̄ адхо татха̄ уддхам̣, йатха̄ уддхам̣ татха̄ адхо; йатха̄ дива̄ татха̄ раттим̣, йатха̄ раттим̣ татха̄ дива̄’. ити виват̣ена четаса̄ апарийонаддхена саппабха̄сам̣ читтам̣ бха̄вети. вӣрийасама̄дхи…пе… читтасама̄дхи…пе… вӣмам̣са̄сама̄дхиппадха̄насан̇кха̄расаманна̄гатам̣ иддхипа̄дам̣ бха̄вети – ‘ити ме вӣмам̣са̄ на ча атилӣна̄ бхависсати, на ча атиппаггахита̄ бхависсати, на ча аджджхаттам̣ сам̣кхитта̄ бхависсати, на ча бахиддха̄ виккхитта̄ бхависсати’…пе… ити виват̣ена четаса̄ апарийонаддхена саппабха̄сам̣ читтам̣ бха̄вети. имесам̣ кхо, бхиккхаве, чатуннам̣ иддхипа̄да̄нам̣ бха̄витатта̄ бахулӣкататта̄ моггалла̄но бхиккху евам̣махиддхико евам̣маха̄нубха̄во.

‘‘имесан̃ча пана, бхиккхаве, чатуннам̣ иддхипа̄да̄нам̣ бха̄витатта̄ бахулӣкататта̄ моггала̄но бхиккху евам̣ анекавихитам̣ иддхивидхам̣ паччанубхоти – екопи хутва̄ бахудха̄ хоти, бахудха̄пи хутва̄ еко хоти…пе… йа̄ва брахмалока̄пи ка̄йена васам̣ ваттети. имесан̃ча пана, бхиккхаве, чатуннам̣ иддхипа̄да̄нам̣ бха̄витатта̄ бахулӣкататта̄ моггалла̄но бхиккху а̄сава̄нам̣ кхайа̄ ана̄савам̣ четовимуттим̣ пан̃н̃а̄вимуттим̣ дит̣т̣хева дхамме сайам̣ абхин̃н̃а̄ саччхикатва̄ упасампаджджа вихаратӣ’’ти. ека̄дасамам̣.