10. огхавагго

1-10. огха̄дисуттадасакам̣

803-812. ‘‘пан̃чима̄ни, бхиккхаве, уддхамбха̄гийа̄ни сам̣йоджана̄ни. катама̄ни пан̃ча? рӯпара̄го, арӯпара̄го, ма̄но, уддхаччам̣ авиджджа̄ – има̄ни кхо, бхиккхаве, пан̃чуддхамбха̄гийа̄ни сам̣йоджана̄ни. имесам̣ кхо, бхиккхаве, пан̃чаннам̣ уддхамбха̄гийа̄нам̣ сам̣йоджана̄нам̣ абхин̃н̃а̄йа парин̃н̃а̄йа париккхайа̄йа паха̄на̄йа пан̃ча бала̄ни бха̄ветабба̄ни. катама̄ни пан̃ча? идха, бхиккхаве, бхиккху саддха̄балам̣ бха̄вети…пе… пан̃н̃а̄балам̣ бха̄вети ра̄гавинайапарийоса̄нам̣ досавинайапарийоса̄нам̣ мохавинайапарийоса̄нам̣. имесам̣ кхо, бхиккхаве, пан̃чаннам̣ уддхамбха̄гийа̄нам̣ сам̣йоджана̄нам̣ абхин̃н̃а̄йа парин̃н̃а̄йа париккхайа̄йа паха̄на̄йа има̄ни пан̃ча бала̄ни бха̄ветабба̄нӣ’’ти. дасамам̣.

огхавагго дасамо.

тассудда̄нам̣ –

огхо його упа̄да̄нам̣, гантха̄ анусайена ча;

ка̄магун̣а̄ нӣваран̣а̄, кхандха̄ оруддхамбха̄гийа̄ти.

баласам̣йуттам̣ чхат̣т̣хам̣.