8. дутийаруккхасуттам̣

538. ‘‘сеййатха̄пи, бхиккхаве, йе кечи дева̄нам̣ та̄ватим̣са̄нам̣ руккха̄, па̄ричхаттако тесам̣ аггамаккха̄йати; евамева кхо, бхиккхаве, йе кечи бодхипаккхийа̄ дхамма̄, пан̃н̃индрийам̣ тесам̣ аггамаккха̄йати, йадидам̣ – бодха̄йа. катаме ча, бхиккхаве, бодхипаккхийа̄ дхамма̄? саддхиндрийам̣, бхиккхаве, бодхипаккхийо дхаммо, там̣ бодха̄йа сам̣ваттати. вӣрийиндрийам̣…пе… сатиндрийам̣…пе… сама̄дхиндрийам̣…пе… пан̃н̃индрийам̣ бодхипаккхийо дхаммо, там̣ бодха̄йа сам̣ваттати. сеййатха̄пи, бхиккхаве, йе кечи дева̄нам̣ та̄ватим̣са̄нам̣ руккха̄, па̄ричхаттако тесам̣ аггамаккха̄йати; евамева кхо, бхиккхаве, йе кечи бодхипаккхийа̄ дхамма̄, пан̃н̃индрийам̣ тесам̣ аггамаккха̄йати, йадидам̣ – бодха̄йа̄’’ти. ат̣т̣хамам̣.