6. дутийавиттха̄расуттам̣

486. ‘‘пан̃чима̄ни, бхиккхаве, индрийа̄ни. катама̄ни пан̃ча? саддхиндрийам̣…пе… пан̃н̃индрийам̣ – има̄ни кхо, бхиккхаве, пан̃чиндрийа̄ни. имесам̣ кхо, бхиккхаве, пан̃чаннам̣ индрийа̄нам̣ саматта̄ парипӯратта̄ арахам̣ хоти, тато мудутарехи антара̄паринибба̄йӣ хоти, тато мудутарехи упахаччапаринибба̄йӣ хоти, тато мудутарехи асан̇кха̄рапаринибба̄йӣ хоти, тато мудутарехи сасан̇кха̄рапаринибба̄йӣ хоти, тато мудутарехи уддхам̣сото хоти аканит̣т̣хага̄мӣ, тато мудутарехи сакада̄га̄мӣ хоти, тато мудутарехи сота̄панно хоти, тато мудутарехи дхамма̄нуса̄рӣ хоти, тато мудутарехи саддха̄нуса̄рӣ хоти. ити кхо, бхиккхаве, индрийавематтата̄ пхалавематтата̄ хоти, пхалавематтата̄ пуггалавематтата̄ хотӣ’’ти. чхат̣т̣хам̣.