2. паччантасуттам̣

1132. атха кхо бхагава̄ париттам̣ накхасикха̄йам̣ пам̣сум̣ а̄ропетва̄ бхиккхӯ а̄мантеси – ‘‘там̣ ким̣ ман̃н̃атха, бхиккхаве, катамам̣ ну кхо бахутарам̣ – йо ва̄йам̣ майа̄ паритто накхасикха̄йам̣ пам̣су а̄ропито, айам̣ ва̄ маха̄патхавӣ’’ти? ‘‘етадева, бханте, бахутарам̣, йадидам̣ – маха̄патхавӣ; аппаматтака̄йам̣ бхагавата̄ паритто накхасикха̄йам̣ пам̣су а̄ропито. сан̇кхампи на упети, упанидхампи на упети, калабха̄гампи на упети маха̄патхавим̣ упанидха̄йа бхагавата̄ паритто накхасикха̄йам̣ пам̣су а̄ропито’’ти.

‘‘евамева кхо, бхиккхаве, аппаматтака̄ те сатта̄ йе маджджхимесу джанападесу пачча̄джа̄йанти; атха кхо етева бахутара̄ сатта̄ йе паччантимесу джанападесу пачча̄джа̄йанти авин̃н̃а̄та̄ресу милаккхесу [милаккхӯсу (сйа̄. кам̣. ка.)] …пе…. дутийам̣.