8. дутийаекадхаммапеййа̄лавагго

1. калйа̄н̣амиттасуттам̣

77. са̄ваттхинида̄нам̣. ‘‘на̄хам̣, бхиккхаве, ан̃н̃ам̣ екадхаммампи саманупасса̄ми, йена ануппанно ва̄ арийо ат̣т̣хан̇гико магго уппаджджати, уппанно ва̄ арийо ат̣т̣хан̇гико магго бха̄вана̄па̄рипӯрим̣ гаччхати, йатхайидам̣, бхиккхаве, калйа̄н̣амиттата̄. калйа̄н̣амиттассетам̣, бхиккхаве, бхиккхуно па̄т̣икан̇кхам̣ – арийам̣ ат̣т̣хан̇гикам̣ маггам̣ бха̄вессати, арийам̣ ат̣т̣хан̇гикам̣ маггам̣ бахулӣкариссати. катхан̃ча, бхиккхаве, бхиккху калйа̄н̣амитто арийам̣ ат̣т̣хан̇гикам̣ маггам̣ бха̄вети, арийам̣ ат̣т̣хан̇гикам̣ маггам̣ бахулӣкароти? идха, бхиккхаве, бхиккху самма̄дит̣т̣хим̣ бха̄вети вивеканисситам̣…пе… самма̄сама̄дхим̣ бха̄вети вивеканисситам̣ вира̄ганисситам̣ ниродханисситам̣ воссаггапарин̣а̄мим̣. евам̣ кхо, бхиккхаве, бхиккху калйа̄н̣амитто арийам̣ ат̣т̣хан̇гикам̣ маггам̣ бха̄вети, арийам̣ ат̣т̣хан̇гикам̣ маггам̣ бахулӣкаротӣ’’ти. пат̣хамам̣.

2-6. сӣласампада̄дисуттапан̃чакам̣

78-82. ‘‘на̄хам̣, бхиккхаве, ан̃н̃ам̣ екадхаммампи саманупасса̄ми, йена ануппанно ва̄ арийо ат̣т̣хан̇гико магго уппаджджати, уппанно ва̄ арийо ат̣т̣хан̇гико магго бха̄вана̄па̄рипӯрим̣ гаччхати, йатхайидам̣, бхиккхаве, сӣласампада̄…пе… йатхайидам̣, бхиккхаве, чхандасампада̄…пе… йатхайидам̣, бхиккхаве, аттасампада̄…пе… йатхайидам̣, бхиккхаве, дит̣т̣хисампада̄…пе… йатхайидам̣, бхиккхаве, аппама̄дасампада̄…пе…. чхат̣т̣хам̣.

7. йонисоманасика̄расампада̄суттам̣

83. ‘‘йатхайидам̣, бхиккхаве, йонисоманасика̄расампада̄. йонисоманасика̄расампаннассетам̣, бхиккхаве, бхиккхуно па̄т̣икан̇кхам̣ – арийам̣ ат̣т̣хан̇гикам̣ маггам̣ бха̄вессати, арийам̣ ат̣т̣хан̇гикам̣ маггам̣ бахулӣкариссати. катхан̃ча, бхиккхаве, бхиккху йонисоманасика̄расампанно арийам̣ ат̣т̣хан̇гикам̣ маггам̣ бха̄вети, арийам̣ ат̣т̣хан̇гикам̣ маггам̣ бахулӣкароти? идха, бхиккхаве, бхиккху самма̄дит̣т̣хим̣ бха̄вети вивеканисситам̣…пе… самма̄сама̄дхим̣ бха̄вети вивеканисситам̣ вира̄ганисситам̣ ниродханисситам̣ воссаггапарин̣а̄мим̣. евам̣ кхо, бхиккхаве, бхиккху йонисоманасика̄расампанно арийам̣ ат̣т̣хан̇гикам̣ маггам̣ бха̄вети, арийам̣ ат̣т̣хан̇гикам̣ маггам̣ бахулӣкаротӣ’’ти. саттамам̣.

1. калйа̄н̣амиттасуттам̣

84. ‘‘на̄хам̣, бхиккхаве, ан̃н̃ам̣ екадхаммампи саманупасса̄ми, йена ануппанно ва̄ арийо ат̣т̣хан̇гико магго уппаджджати, уппанно ва̄ арийо ат̣т̣хан̇гико магго бха̄вана̄па̄рипӯрим̣ гаччхати, йатхайидам̣, бхиккхаве, калйа̄н̣амиттата̄. калйа̄н̣амиттассетам̣, бхиккхаве, бхиккхуно па̄т̣икан̇кхам̣ – арийам̣ ат̣т̣хан̇гикам̣ маггам̣ бха̄вессати, арийам̣ ат̣т̣хан̇гикам̣ маггам̣ бахулӣкариссати. катхан̃ча, бхиккхаве, бхиккху калйа̄н̣амитто арийам̣ ат̣т̣хан̇гикам̣ маггам̣ бха̄вети, арийам̣ ат̣т̣хан̇гикам̣ маггам̣ бахулӣкароти? идха, бхиккхаве, бхиккху самма̄дит̣т̣хим̣ бха̄вети ра̄гавинайапарийоса̄нам̣ досавинайапарийоса̄нам̣ мохавинайапарийоса̄нам̣…пе… самма̄сама̄дхим̣ бха̄вети ра̄гавинайапарийоса̄нам̣ досавинайапарийоса̄нам̣ мохавинайапарийоса̄нам̣. евам̣ кхо, бхиккхаве, бхиккху калйа̄н̣амитто арийам̣ ат̣т̣хан̇гикам̣ маггам̣ бха̄вети, арийам̣ ат̣т̣хан̇гикам̣ маггам̣ бахулӣкаротӣ’’ти. пат̣хамам̣.

2-6. сӣласампада̄дисуттапан̃чакам̣

85-89. ‘‘на̄хам̣, бхиккхаве, ан̃н̃ам̣ екадхаммампи саманупасса̄ми, йена ануппанно ва̄ арийо ат̣т̣хан̇гико магго уппаджджати, уппанно ва̄ арийо ат̣т̣хан̇гико магго бха̄вана̄па̄рипӯрим̣ гаччхати, йатхайидам̣, бхиккхаве, сӣласампада̄…пе… йатхайидам̣, бхиккхаве, чхандасампада̄…пе… йатхайидам̣, бхиккхаве, аттасампада̄…пе… йатхайидам̣, бхиккхаве, дит̣т̣хисампада̄…пе… йатхайидам̣, бхиккхаве, аппама̄дасампада̄…пе…. чхат̣т̣хам̣.

7. йонисоманасика̄расампада̄суттам̣

90. ‘‘йатхайидам̣, бхиккхаве, йонисоманасика̄расампада̄. йонисоманасика̄расампаннассетам̣, бхиккхаве, бхиккхуно па̄т̣икан̇кхам̣ – арийам̣ ат̣т̣хан̇гикам̣ маггам̣ бха̄вессати, арийам̣ ат̣т̣хан̇гикам̣ маггам̣ бахулӣкариссати. катхан̃ча, бхиккхаве, бхиккху йонисоманасика̄расампанно арийам̣ ат̣т̣хан̇гикам̣ маггам̣ бха̄вети, арийам̣ ат̣т̣хан̇гикам̣ маггам̣ бахулӣкароти? идха, бхиккхаве, бхиккху самма̄дит̣т̣хим̣ бха̄вети ра̄гавинайапарийоса̄нам̣ досавинайапарийоса̄нам̣ мохавинайапарийоса̄нам̣…пе… самма̄сама̄дхим̣ бха̄вети ра̄гавинайапарийоса̄нам̣ досавинайапарийоса̄нам̣ мохавинайапарийоса̄нам̣. евам̣ кхо, бхиккхаве, бхиккху йонисоманасика̄расампанно арийам̣ ат̣т̣хан̇гикам̣ маггам̣ бха̄вети, арийам̣ ат̣т̣хан̇гикам̣ маггам̣ бахулӣкаротӣ’’ти. саттамам̣.

дутийаекадхаммапеййа̄лавагго ат̣т̣хамо.

тассудда̄нам̣ –

калйа̄н̣амиттам̣ сӣлан̃ча, чхандо ча аттасампада̄;

дит̣т̣хи ча аппама̄до ча, йонисо бхавати саттамам̣.