3. вираддхасуттам̣

33. са̄ваттхинида̄нам̣. ‘‘йесам̣ кесан̃чи, бхиккхаве, арийо ат̣т̣хан̇гико магго вираддхо, вираддхо тесам̣ арийо ат̣т̣хан̇гико магго самма̄ дуккхаккхайага̄мӣ. йесам̣ кесан̃чи, бхиккхаве, арийо ат̣т̣хан̇гико магго а̄раддхо, а̄раддхо тесам̣ арийо ат̣т̣хан̇гико магго самма̄ дуккхаккхайага̄мӣ. катамо ча, бхиккхаве, арийо ат̣т̣хан̇гико магго? сеййатхидам̣ – самма̄дит̣т̣хи…пе… самма̄сама̄дхи. йесам̣ кесан̃чи, бхиккхаве, айам̣ арийо ат̣т̣хан̇гико магго вираддхо, вираддхо тесам̣ арийо ат̣т̣хан̇гико магго самма̄ дуккхаккхайага̄мӣ. йесам̣ кесан̃чи, бхиккхаве, айам̣ арийо ат̣т̣хан̇гико магго а̄раддхо, а̄раддхо тесам̣ арийо ат̣т̣хан̇гико магго самма̄ дуккхаккхайага̄мӣ’’ти. татийам̣.