10. дутийабрахмачарийасуттам̣

40. са̄ваттхинида̄нам̣. ‘‘брахмачарийан̃ча во, бхиккхаве, десесса̄ми, брахмачарийаттхан̃ча. там̣ сун̣а̄тха. катаман̃ча, бхиккхаве, брахмачарийам̣? айамева арийо ат̣т̣хан̇гико магго, сеййатхидам̣ – самма̄дит̣т̣хи…пе… самма̄сама̄дхи. идам̣ вуччати, бхиккхаве, брахмачарийам̣. катамо ча, бхиккхаве, брахмачарийаттхо? йо кхо, бхиккхаве, ра̄гаккхайо досаккхайо мохаккхайо – айам̣ вуччати, бхиккхаве, брахмачарийаттхо’’ти. дасамам̣.

пат̣ипаттивагго чатуттхо.

тассудда̄нам̣ –

пат̣ипатти пат̣ипанно ча, вираддхан̃ча па̄рам̣гама̄;

са̄ман̃н̃ена ча две вутта̄, брахман̃н̃а̄ апаре дуве;

брахмачарийена две вутта̄, вагго тена павуччатӣти.