2. дутийавиха̄расуттам̣

12. са̄ваттхинида̄нам̣. ‘‘иччха̄махам̣, бхиккхаве, тема̄сам̣ пат̣исаллийитум̣. намхи кеначи упасан̇камитаббо, ан̃н̃атра екена пин̣д̣апа̄танӣха̄ракена̄’’ти. ‘‘евам̣, бханте’’ти кхо те бхиккхӯ бхагавато пат̣иссутва̄ на̄ссудха кочи бхагавантам̣ упасан̇камати, ан̃н̃атра екена пин̣д̣апа̄танӣха̄ракена.

атха кхо бхагава̄ тасса тема̄сасса аччайена пат̣исалла̄на̄ вут̣т̣хито бхиккхӯ а̄мантеси – ‘‘йена сва̄хам̣, бхиккхаве, виха̄рена пат̣хама̄бхисамбуддхо вихара̄ми, тасса падесена виха̄сим̣. со евам̣ паджа̄на̄ми – ‘миччха̄дит̣т̣хипаччайа̄пи ведайитам̣; миччха̄дит̣т̣хивӯпасамапаччайа̄пи ведайитам̣; самма̄дит̣т̣хипаччайа̄пи ведайитам̣; самма̄дит̣т̣хивӯпасамапаччайа̄пи ведайитам̣…пе… миччха̄сама̄дхипаччайа̄пи ведайитам̣; миччха̄сама̄дхивӯпасамапаччайа̄пи ведайитам̣, самма̄сама̄дхипаччайа̄пи ведайитам̣; самма̄сама̄дхивӯпасамапаччайа̄пи ведайитам̣; чхандапаччайа̄пи ведайитам̣; чхандавӯпасамапаччайа̄пи ведайитам̣; витаккапаччайа̄пи ведайитам̣; витаккавӯпасамапаччайа̄пи ведайитам̣; сан̃н̃а̄паччайа̄пи ведайитам̣; сан̃н̃а̄вӯпасамапаччайа̄пи ведайитам̣; чхандо ча авӯпасанто хоти, витакко ча авӯпасанто хоти, сан̃н̃а̄ ча авӯпасанта̄ хоти, таппаччайа̄пи ведайитам̣; чхандо ча вӯпасанто хоти, витакко ча вӯпасанто хоти, сан̃н̃а̄ ча вӯпасанта̄ хоти, таппаччайа̄пи ведайитам̣; аппаттасса паттийа̄ аттхи а̄йа̄мам̣ [ва̄йа̄мам̣ (сӣ. сйа̄.)], тасмимпи т̣ха̄не ануппатте таппаччайа̄пи ведайита’’’нти. дутийам̣.