3. на̄гасуттам̣

151. ‘‘сеййатха̄пи, бхиккхаве, химавантам̣ паббатара̄джам̣ нисса̄йа на̄га̄ ка̄йам̣ вад̣д̣хенти, балам̣ га̄хенти; те таттха ка̄йам̣ вад̣д̣хетва̄ балам̣ га̄хетва̄ кусоббхе отаранти, кусоббхе [куссуббхе (сӣ. сйа̄.), кусуббхе (пӣ. ка.)] отаритва̄ маха̄соббхе отаранти, маха̄соббхе отаритва̄ куннадийо отаранти, куннадийо отаритва̄ маха̄надийо отаранти, маха̄надийо отаритва̄ маха̄самуддам̣ [маха̄самуддаса̄гарам̣ (саббаттха) сам̣. ни. 2.23] отаранти, те таттха махантаттам̣ вепуллаттам̣ а̄паджджанти ка̄йена; евамева кхо, бхиккхаве, бхиккху сӣлам̣ нисса̄йа сӣле патит̣т̣ха̄йа арийам̣ ат̣т̣хан̇гикам̣ маггам̣ бха̄венто арийам̣ ат̣т̣хан̇гикам̣ маггам̣ бахулӣкаронто махантаттам̣ вепуллаттам̣ па̄пун̣а̄ти дхаммесу. катхан̃ча, бхиккхаве, бхиккху сӣлам̣ нисса̄йа сӣле патит̣т̣ха̄йа арийам̣ ат̣т̣хан̇гикам̣ маггам̣ бха̄венто арийам̣ ат̣т̣хан̇гикам̣ маггам̣ бахулӣкаронто махантаттам̣ вепуллаттам̣ па̄пун̣а̄ти дхаммесу? идха, бхиккхаве, бхиккху самма̄дит̣т̣хим̣ бха̄вети вивеканисситам̣ вира̄ганисситам̣ ниродханисситам̣ воссаггапарин̣а̄мим̣…пе… самма̄сама̄дхим̣ бха̄вети вивеканисситам̣ вира̄ганисситам̣ ниродханисситам̣ воссаггапарин̣а̄мим̣…пе… евам̣ кхо, бхиккхаве, бхиккху сӣлам̣ нисса̄йа сӣле патит̣т̣ха̄йа арийам̣ ат̣т̣хан̇гикам̣ маггам̣ бха̄венто арийам̣ ат̣т̣хан̇гикам̣ маггам̣ бахулӣкаронто махантаттам̣ вепуллаттам̣ па̄пун̣а̄ти дхаммесӯ’’ти. татийам̣.