10. на̄ва̄суттам̣

158. ‘‘сеййатха̄пи, бхиккхаве, са̄муддика̄йа на̄ва̄йа веттабандханабандха̄йа чха ма̄са̄ни удаке парийа̄да̄йа [парийа̄та̄йа (ка.), парийа̄хата̄йа (?)] хемантикена тхалам̣ уккхитта̄йа ва̄та̄тапапарета̄ни бандхана̄ни та̄ни па̄вуссакена мегхена абхиппавут̣т̣ха̄ни аппакасиренева пат̣иппассамбханти, пӯтика̄ни бхаванти; евамева кхо, бхиккхаве, бхиккхуно арийам̣ ат̣т̣хан̇гикам̣ маггам̣ бха̄вайато арийам̣ ат̣т̣хан̇гикам̣ маггам̣ бахулӣкарото аппакасиренева сам̣йоджана̄ни пат̣иппассамбханти, пӯтика̄ни бхаванти. катхан̃ча, бхиккхаве, бхиккхуно арийам̣ ат̣т̣хан̇гикам̣ маггам̣ бха̄вайато арийам̣ ат̣т̣хан̇гикам̣ маггам̣ бахулӣкарото аппакасиренева сам̣йоджана̄ни пат̣иппассамбханти, пӯтика̄ни бхаванти? идха, бхиккхаве, бхиккху самма̄дит̣т̣хим̣ бха̄вети…пе… самма̄сама̄дхим̣ бха̄вети вивеканисситам̣ вира̄ганисситам̣ ниродханисситам̣ воссаггапарин̣а̄мим̣…пе… евам̣ кхо, бхиккхаве, бхиккхуно арийам̣ ат̣т̣хан̇гикам̣ маггам̣ бха̄вайато арийам̣ ат̣т̣хан̇гикам̣ маггам̣ бахулӣкарото аппакасиренева сам̣йоджана̄ни пат̣иппассамбханти, пӯтика̄ни бхавантӣ’’ти. дасамам̣.