1. баласуттам̣

149. са̄ваттхинида̄нам̣. ‘‘сеййатха̄пи, бхиккхаве, йе кечи балакаран̣ӣйа̄ камманта̄ карӣйанти, саббе те патхавим̣ нисса̄йа патхавийам̣ патит̣т̣ха̄йа евамете балакаран̣ӣйа̄ камманта̄ карӣйанти; евамева кхо, бхиккхаве, бхиккху сӣлам̣ нисса̄йа сӣле патит̣т̣ха̄йа арийам̣ ат̣т̣хан̇гикам̣ маггам̣ бха̄вети арийам̣ ат̣т̣хан̇гикам̣ маггам̣ бахулӣкароти. катхан̃ча, бхиккхаве, бхиккху сӣлам̣ нисса̄йа сӣле патит̣т̣ха̄йа арийам̣ ат̣т̣хан̇гикам̣ маггам̣ бха̄вети арийам̣ ат̣т̣хан̇гикам̣ маггам̣ бахулӣкароти? идха, бхиккхаве, бхиккху самма̄дит̣т̣хим̣ бха̄вети вивеканисситам̣ вира̄ганисситам̣ ниродханисситам̣ воссаггапарин̣а̄мим̣…пе… евам̣ кхо, бхиккхаве, бхиккху сӣлам̣ нисса̄йа сӣле патит̣т̣ха̄йа арийам̣ ат̣т̣хан̇гикам̣ маггам̣ бха̄вети арийам̣ ат̣т̣хан̇гикам̣ маггам̣ бахулӣкаротӣ’’ти.

(параган̇га̄пеййа̄лӣван̣н̣ийато парипун̣н̣асуттанти виттха̄рамаггӣ).

‘‘сеййатха̄пи, бхиккхаве, йе кечи балакаран̣ӣйа̄ камманта̄ карӣйанти, саббе те патхавим̣ нисса̄йа патхавийам̣ патит̣т̣ха̄йа евамете балакаран̣ӣйа̄ камманта̄ карӣйанти; евамева кхо, бхиккхаве, бхиккху сӣлам̣ нисса̄йа сӣле патит̣т̣ха̄йа арийам̣ ат̣т̣хан̇гикам̣ маггам̣ бха̄вети арийам̣ ат̣т̣хан̇гикам̣ маггам̣ бахулӣкароти. катхан̃ча, бхиккхаве, бхиккху сӣлам̣ нисса̄йа сӣле патит̣т̣ха̄йа арийам̣ ат̣т̣хан̇гикам̣ маггам̣ бха̄вети арийам̣ ат̣т̣хан̇гикам̣ маггам̣ бахулӣкароти? идха, бхиккхаве, бхиккху самма̄дит̣т̣хим̣ бха̄вети ра̄гавинайапарийоса̄нам̣ досавинайапарийоса̄нам̣ мохавинайапарийоса̄нам̣…пе… самма̄сама̄дхим̣ бха̄вети ра̄гавинайапарийоса̄нам̣ досавинайапарийоса̄нам̣ мохавинайапарийоса̄нам̣. евам̣ кхо, бхиккхаве, бхиккху сӣлам̣ нисса̄йа сӣле патит̣т̣ха̄йа арийам̣ ат̣т̣хан̇гикам̣ маггам̣ бха̄вети арийам̣ ат̣т̣хан̇гикам̣ маггам̣ бахулӣкаротӣ’’ти.

‘‘сеййатха̄пи, бхиккхаве, йе кечи балакаран̣ӣйа̄ камманта̄ карӣйанти, саббе те патхавим̣ нисса̄йа патхавийам̣ патит̣т̣ха̄йа евамете балакаран̣ӣйа̄ камманта̄ карӣйанти; евамева кхо, бхиккхаве, бхиккху сӣлам̣ нисса̄йа сӣле патит̣т̣ха̄йа арийам̣ ат̣т̣хан̇гикам̣ маггам̣ бха̄вети арийам̣ ат̣т̣хан̇гикам̣ маггам̣ бахулӣкароти. катхан̃ча, бхиккхаве, бхиккху сӣлам̣ нисса̄йа сӣле патит̣т̣ха̄йа арийам̣ ат̣т̣хан̇гикам̣ маггам̣ бха̄вети арийам̣ ат̣т̣хан̇гикам̣ маггам̣ бахулӣкароти? идха, бхиккхаве, бхиккху самма̄дит̣т̣хим̣ бха̄вети аматогадхам̣ аматапара̄йанам̣ аматапарийоса̄нам̣…пе… самма̄сама̄дхим̣ бха̄вети аматогадхам̣ аматапара̄йанам̣ аматапарийоса̄нам̣. евам̣ кхо, бхиккхаве, бхиккху сӣлам̣ нисса̄йа сӣле патит̣т̣ха̄йа арийам̣ ат̣т̣хан̇гикам̣ маггам̣ бха̄вети арийам̣ ат̣т̣хан̇гикам̣ маггам̣ бахулӣкаротӣ’’ти.

‘‘сеййатха̄пи, бхиккхаве, йе кечи балакаран̣ӣйа̄ камманта̄ карӣйанти, саббе те патхавим̣ нисса̄йа патхавийам̣ патит̣т̣ха̄йа евамете балакаран̣ӣйа̄ камманта̄ карӣйанти; евамева кхо, бхиккхаве, бхиккху сӣлам̣ нисса̄йа сӣле патит̣т̣ха̄йа арийам̣ ат̣т̣хан̇гикам̣ маггам̣ бха̄вети арийам̣ ат̣т̣хан̇гикам̣ маггам̣ бахулӣкароти. катхан̃ча, бхиккхаве, бхиккху сӣлам̣ нисса̄йа сӣле патит̣т̣ха̄йа арийам̣ ат̣т̣хан̇гикам̣ маггам̣ бха̄вети арийам̣ ат̣т̣хан̇гикам̣ маггам̣ бахулӣкароти? идха, бхиккхаве, бхиккху самма̄дит̣т̣хим̣ бха̄вети нибба̄наниннам̣ нибба̄напон̣ам̣ нибба̄напаббха̄рам̣…пе… самма̄сама̄дхим̣ бха̄вети нибба̄наниннам̣ нибба̄напон̣ам̣ нибба̄напаббха̄рам̣. евам̣ кхо, бхиккхаве, бхиккху сӣлам̣ нисса̄йа сӣле патит̣т̣ха̄йа арийам̣ ат̣т̣хан̇гикам̣ маггам̣ бха̄вети арийам̣ ат̣т̣хан̇гикам̣ маггам̣ бахулӣкаротӣ’’ти. пат̣хамам̣.