8-10. чандима̄дисуттататийакам̣

146. ‘‘сеййатха̄пи, бхиккхаве, йа̄ ка̄чи та̄ракарӯпа̄нам̣ пабха̄, сабба̄ та̄ чандимаппабха̄йа [чандима̄пабха̄йа (сйа̄. ка.)] калам̣ на̄ггханти сол̣асим̣, чандаппабха̄ та̄сам̣ аггамаккха̄йати; евамева кхо, бхиккхаве…пе… ат̣т̣хамам̣.

147. ‘‘сеййатха̄пи, бхиккхаве, сарадасамайе виддхе вигатавала̄хаке деве а̄диччо набхам̣ аббхуссаккама̄но саббам̣ а̄ка̄сагатам̣ тамагатам̣ абхивихачча бха̄сате ча тапате ча вирочати ча; евамева кхо, бхиккхаве…пе… навамам̣.

148. ‘‘сеййатха̄пи, бхиккхаве, йа̄ни ка̄ничи танта̄вута̄нам̣ ваттха̄нам̣, ка̄сикаваттхам̣ тесам̣ аггамаккха̄йати; евамева кхо, бхиккхаве, йе кечи кусала̄ дхамма̄, саббе те аппама̄дамӯлака̄ аппама̄дасамосаран̣а̄; аппама̄до тесам̣ дхамма̄нам̣ аггамаккха̄йати. аппаматтассетам̣, бхиккхаве, бхиккхуно па̄т̣икан̇кхам̣ – арийам̣ ат̣т̣хан̇гикам̣ маггам̣ бха̄вессати арийам̣ ат̣т̣хан̇гикам̣ маггам̣ бахулӣкариссати. катхан̃ча, бхиккхаве, бхиккху аппаматто арийам̣ ат̣т̣хан̇гикам̣ маггам̣ бха̄вети арийам̣ ат̣т̣хан̇гикам̣ маггам̣ бахулӣкароти? идха, бхиккхаве, бхиккху самма̄дит̣т̣хим̣ бха̄вети вивеканисситам̣ вира̄ганисситам̣ ниродханисситам̣ воссаггапарин̣а̄мим̣…пе… самма̄сама̄дхим̣ бха̄вети вивеканисситам̣ вира̄ганисситам̣ ниродханисситам̣ воссаггапарин̣а̄мим̣…пе… евам̣ кхо, бхиккхаве, бхиккху аппаматто арийам̣ ат̣т̣хан̇гикам̣ маггам̣ бха̄вети арийам̣ ат̣т̣хан̇гикам̣ маггам̣ бахулӣкаротӣ’’ти. дасамам̣.

(йадапи татха̄гатам̣, тадапи виттха̄ретаббам̣).

аппама̄дапеййа̄лавагго пан̃чамо.

тассудда̄нам̣ –

татха̄гатам̣ падам̣ кӯт̣ам̣, мӯлам̣ са̄ро ча вассикам̣;

ра̄джа̄ чандимасӯрийа̄ ча, ваттхена дасамам̣ падам̣.