1. пат̣хамасамудданиннасуттам̣

121. ‘‘сеййатха̄пи, бхиккхаве, ган̇га̄ надӣ самудданинна̄ самуддапон̣а̄ самуддапаббха̄ра̄; евамева кхо, бхиккхаве, бхиккху арийам̣ ат̣т̣хан̇гикам̣ маггам̣ бха̄венто арийам̣ ат̣т̣хан̇гикам̣ маггам̣ бахулӣкаронто нибба̄нанинно хоти нибба̄напон̣о нибба̄напаббха̄ро. катхан̃ча, бхиккхаве, бхиккху арийам̣ ат̣т̣хан̇гикам̣ маггам̣ бха̄венто арийам̣ ат̣т̣хан̇гикам̣ маггам̣ бахулӣкаронто нибба̄нанинно хоти нибба̄напон̣о нибба̄напаббха̄ро? идха, бхиккхаве, бхиккху самма̄дит̣т̣хим̣ бха̄вети аматогадхам̣ аматапара̄йанам̣ аматапарийоса̄нам̣…пе… самма̄сама̄дхим̣ бха̄вети аматогадхам̣ аматапара̄йанам̣ аматапарийоса̄нам̣. евам̣ кхо, бхиккхаве, бхиккху арийам̣ ат̣т̣хан̇гикам̣ маггам̣ бха̄венто арийам̣ ат̣т̣хан̇гикам̣ маггам̣ бахулӣкаронто нибба̄нанинно хоти нибба̄напон̣о нибба̄напаббха̄ро’’ти. пат̣хамам̣.