10. саккасуттам̣

341. атха кхо а̄йасма̄ маха̄моггалла̄но – сеййатха̄пи на̄ма балава̄ пурисо самин̃джитам̣ ва̄ ба̄хам̣ паса̄реййа, паса̄ритам̣ ва̄ ба̄хам̣ самин̃джеййа; евамева – джетаване антарахито девесу та̄ватим̣сесу па̄турахоси. атха кхо сакко дева̄наминдо пан̃чахи девата̄сатехи саддхим̣ йена̄йасма̄ маха̄моггалла̄но тенупасан̇ками; упасан̇камитва̄ а̄йасмантам̣ маха̄моггалла̄нам̣ абхива̄детва̄ екамантам̣ ат̣т̣ха̄си. екамантам̣ т̣хитам̣ кхо саккам̣ дева̄наминдам̣ а̄йасма̄ маха̄моггалла̄но етадавоча –

‘‘са̄дху кхо, дева̄наминда, буддхасаран̣агаманам̣ [буддхам̣ саран̣агаманам̣ (сӣ.)] хоти. буддхасаран̣агаманахету [буддхам̣ саран̣агаманахету (сӣ.)] кхо, дева̄наминда, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджанти. са̄дху кхо, дева̄наминда, дхаммасаран̣агаманам̣ хоти. дхаммасаран̣агаманахету кхо, дева̄наминда, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджанти. са̄дху кхо, дева̄наминда, сан̇гхасаран̣агаманам̣ хоти. сан̇гхасаран̣агаманахету кхо, дева̄наминда, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджантӣ’’ти.

‘‘са̄дху кхо, ма̄риса моггалла̄на, буддхасаран̣агаманам̣ хоти. буддхасаран̣агаманахету кхо, ма̄риса моггалла̄на, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджанти. са̄дху кхо, ма̄риса моггалла̄на, дхаммасаран̣агаманам̣ хоти. дхаммасаран̣агаманахету кхо, ма̄риса моггалла̄на, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджанти. са̄дху кхо, ма̄риса моггалла̄на, сан̇гха…пе… сугатим̣ саггам̣ локам̣ упападжджантӣ’’ти.

атха кхо сакко дева̄наминдо чхахи девата̄сатехи саддхим̣…пе… атха кхо сакко дева̄наминдо саттахи девата̄сатехи саддхим̣…пе… атха кхо сакко дева̄наминдо ат̣т̣хахи девата̄сатехи саддхим̣…пе… атха кхо сакко дева̄наминдо асӣтийа̄ девата̄сахассехи саддхим̣ йена̄йасма̄ маха̄моггалла̄но тенупасан̇ками; упасан̇камитва̄ а̄йасмантам̣ маха̄моггалла̄нам̣ абхива̄детва̄ екамантам̣ ат̣т̣ха̄си. екамантам̣ т̣хитам̣ кхо саккам̣ дева̄наминдам̣ а̄йасма̄ маха̄моггалла̄но етадавоча –

‘‘са̄дху кхо, дева̄наминда, буддхасаран̣агаманам̣ хоти. буддхасаран̣агаманахету кхо, дева̄наминда, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджанти. са̄дху кхо, дева̄наминда, дхаммасаран̣агаманам̣ хоти. дхаммасаран̣агаманахету кхо, дева̄наминда, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджанти. са̄дху кхо, дева̄наминда, сан̇гхасаран̣агаманам̣ хоти. сан̇гхасаран̣агаманахету кхо, дева̄наминда, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджантӣ’’ти.

‘‘са̄дху кхо, ма̄риса моггалла̄на, буддхасаран̣агаманам̣ хоти. буддхасаран̣агаманахету кхо, ма̄риса моггалла̄на, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджанти. са̄дху кхо, ма̄риса моггалла̄на, дхаммасаран̣агаманам̣ хоти…пе… са̄дху кхо, ма̄риса моггалла̄на, сан̇гхасаран̣агаманам̣ хоти. сан̇гхасаран̣агаманахету кхо, ма̄риса моггалла̄на, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджантӣ’’ти.

атха кхо сакко дева̄наминдо пан̃чахи девата̄сатехи саддхим̣ йена̄йасма̄ маха̄моггалла̄но тенупасан̇ками; упасан̇камитва̄ а̄йасмантам̣ маха̄моггалла̄нам̣ абхива̄детва̄ екамантам̣ ат̣т̣ха̄си. екамантам̣ т̣хитам̣ кхо саккам̣ дева̄наминдам̣ а̄йасма̄ маха̄моггалла̄но етадавоча –

‘‘са̄дху кхо, дева̄наминда, дхамме авеччаппаса̄дена саманна̄гаманам̣ хоти – ‘сва̄ккха̄то бхагавата̄ дхаммо сандит̣т̣хико ака̄лико ехипассико опанеййико паччаттам̣ ведитаббо вин̃н̃ӯхӣ’ти. дхамме авеччаппаса̄дена саманна̄гаманахету кхо, дева̄наминда, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджанти.

‘‘са̄дху кхо, дева̄наминда, сан̇гхе авеччаппаса̄дена саманна̄гаманам̣ хоти – ‘суппат̣ипанно бхагавато са̄вакасан̇гхо, уджуппат̣ипанно бхагавато са̄вакасан̇гхо, н̃а̄йаппат̣ипанно бхагавато са̄вакасан̇гхо, са̄мӣчиппат̣ипанно бхагавато са̄вакасан̇гхо, йадидам̣ чатта̄ри пурисайуга̄ни ат̣т̣ха пурисапуггала̄ еса бхагавато са̄вакасан̇гхо а̄хунеййо па̄хунеййо даккхин̣еййо ан̃джаликаран̣ӣйо ануттарам̣ пун̃н̃аккхеттам̣ локасса̄’ти. сан̇гхе авеччаппаса̄дена саманна̄гаманахету кхо, дева̄наминда, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджанти.

‘‘са̄дху кхо, ма̄риса моггалла̄на, буддхе авеччаппаса̄дена саманна̄гаманам̣ хоти – ‘итипи со…пе… саттха̄ деваманусса̄нам̣ буддхо бхагава̄’ти. буддхе авеччаппаса̄дена саманна̄гаманахету кхо, ма̄риса моггалла̄на, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджанти.

‘‘са̄дху кхо, ма̄риса моггалла̄на, дхамме авеччаппаса̄дена саманна̄гаманам̣ хоти – ‘сва̄ккха̄то бхагавата̄ дхаммо…пе… паччаттам̣ ведитаббо вин̃н̃ӯхӣ’ти. дхамме авеччаппаса̄дена саманна̄гаманахету кхо, ма̄риса моггалла̄на, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджанти.

‘‘са̄дху кхо, ма̄риса моггалла̄на, сан̇гхе авеччаппаса̄дена саманна̄гаманам̣ хоти – ‘суппат̣ипанно бхагавато са̄вакасан̇гхо…пе… ануттарам̣ пун̃н̃аккхеттам̣ локасса̄’ти. сан̇гхе авеччаппаса̄дена саманна̄гаманахету кхо, ма̄риса моггалла̄на, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджанти.

атха кхо сакко дева̄наминдо чхахи девата̄сатехи саддхим̣…пе…. атха кхо сакко дева̄наминдо саттахи девата̄сатехи саддхим̣…пе…. атха кхо сакко дева̄наминдо ат̣т̣хахи девата̄сатехи саддхим̣…пе…. атха кхо сакко дева̄наминдо асӣтийа̄ девата̄сахассехи саддхим̣ йена̄йасма̄ маха̄моггалла̄но тенупасан̇ками; упасан̇камитва̄ а̄йасмантам̣ маха̄моггалла̄нам̣ абхива̄детва̄ екамантам̣ ат̣т̣ха̄си. екамантам̣ т̣хитам̣ кхо саккам̣ дева̄наминдам̣ а̄йасма̄ маха̄моггалла̄но етадавоча –

‘‘са̄дху кхо, дева̄наминда, буддхе авеччаппаса̄дена саманна̄гаманам̣ хоти – ‘итипи со бхагава̄…пе… саттха̄ деваманусса̄нам̣ буддхо бхагава̄’ти. буддхе авеччаппаса̄дена саманна̄гаманахету кхо, дева̄наминда, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджанти.

‘‘са̄дху кхо, дева̄наминда, дхамме авеччаппаса̄дена саманна̄гаманам̣ хоти – ‘сва̄ккха̄то бхагавата̄ дхаммо…пе… паччаттам̣ ведитаббо вин̃н̃ӯхӣ’ти. дхамме авеччаппаса̄дена саманна̄гаманахету кхо, дева̄наминда, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджанти.

‘‘са̄дху кхо, дева̄наминда, сан̇гхе авеччаппаса̄дена саманна̄гаманам̣ хоти – ‘суппат̣ипанно бхагавато са̄вакасан̇гхо…пе… ануттарам̣ пун̃н̃аккхеттам̣ локасса̄’ти. сан̇гхе авеччаппаса̄дена саманна̄гаманахету кхо, дева̄наминда, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджанти.

‘‘са̄дху кхо, дева̄наминда, арийакантехи сӣлехи саманна̄гаманам̣ хоти акхан̣д̣ехи…пе… сама̄дхисам̣ваттаникехи. арийакантехи сӣлехи саманна̄гаманахету кхо, дева̄наминда, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджантӣ’’ти.

‘‘са̄дху кхо, ма̄риса моггалла̄на, буддхе авеччаппаса̄дена саманна̄гаманам̣ хоти – ‘итипи со бхагава̄…пе… саттха̄ деваманусса̄нам̣ буддхо бхагава̄’ти. буддхе авеччаппаса̄дена саманна̄гаманахету кхо, ма̄риса моггалла̄на, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджанти.

атха кхо сакко дева̄наминдо пан̃чахи девата̄сатехи саддхим̣ йена̄йасма̄ маха̄моггалла̄но тенупасан̇ками …пе… екамантам̣ т̣хитам̣ кхо саккам̣ дева̄наминдам̣ а̄йасма̄ маха̄моггалла̄но етадавоча –

‘‘са̄дху кхо, дева̄наминда, буддхасаран̣агаманам̣ хоти. буддхасаран̣агаманахету кхо, дева̄наминда, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджанти. те ан̃н̃е деве дасахи т̣ха̄нехи адхиган̣ханти – диббена а̄йуна̄, диббена ван̣н̣ена, диббена сукхена, диббена йасена, диббена а̄дхипатеййена, диббехи рӯпехи, диббехи саддехи, диббехи гандхехи, диббехи расехи, диббехи пхот̣т̣хаббехи.

‘‘са̄дху кхо, дева̄наминда, дхаммасаран̣агаманам̣ хоти. дхаммасаран̣агаманахету кхо, дева̄наминда, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджанти. те ан̃н̃е деве дасахи т̣ха̄нехи адхиган̣ханти – диббена а̄йуна̄, диббена ван̣н̣ена, диббена сукхена, диббена йасена, диббена а̄дхипатеййена, диббехи рӯпехи, диббехи саддехи, диббехи гандхехи, диббехи расехи, диббехи пхот̣т̣хаббехи.

‘‘са̄дху кхо, дева̄наминда, сан̇гхасаран̣агаманам̣ хоти. сан̇гхасаран̣агаманахету кхо, дева̄наминда, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджанти. те ан̃н̃е деве дасахи т̣ха̄нехи адхиган̣ханти – диббена а̄йуна̄, диббена ван̣н̣ена, диббена сукхена, диббена йасена, диббена а̄дхипатеййена, диббехи рӯпехи, диббехи саддехи, диббехи гандхехи, диббехи расехи, диббехи пхот̣т̣хаббехӣ’’ти.

‘‘са̄дху кхо, ма̄риса моггалла̄на, дхаммасаран̣агаманам̣ хоти…пе….

‘‘са̄дху кхо, ма̄риса моггалла̄на, сан̇гхасаран̣агаманам̣ хоти. сан̇гхасаран̣агаманахету кхо, ма̄риса моггалла̄на, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджанти. те ан̃н̃е деве дасахи т̣ха̄нехи адхиган̣ханти – диббена а̄йуна̄, диббена ван̣н̣ена, диббена сукхена, диббена йасена, диббена а̄дхипатеййена, диббехи рӯпехи, диббехи саддехи, диббехи гандхехи, диббехи расехи, диббехи пхот̣т̣хаббехӣ’’ти.

‘‘са̄дху кхо, дева̄наминда, дхаммасаран̣агаманам̣ хоти…пе….

‘‘са̄дху кхо, ма̄риса моггалла̄на, буддхасаран̣агаманам̣ хоти…пе… са̄дху кхо, ма̄риса моггалла̄на, дхаммасаран̣агаманам̣ хоти…пе… са̄дху кхо ма̄риса моггалла̄на, сан̇гхасаран̣агаманам̣ хоти. сан̇гхасаран̣агаманахету кхо, ма̄риса моггалла̄на, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджанти. те ан̃н̃е деве дасахи т̣ха̄нехи адхиган̣ханти – диббена а̄йуна̄, диббена ван̣н̣ена, диббена сукхена, диббена йасена, диббена а̄дхипатеййена, диббехи рӯпехи, диббехи саддехи, диббехи гандхехи, диббехи расехи, диббехи пхот̣т̣хаббехӣ’’ти.

‘‘са̄дху кхо, дева̄наминда, сан̇гхе авеччаппаса̄дена саманна̄гаманам̣ хоти – ‘суппат̣ипанно бхагавато са̄вакасан̇гхо…пе… локасса̄’ти. сан̇гхе авеччаппаса̄дена саманна̄гаманахету кхо, дева̄наминда, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджанти…пе….

‘‘са̄дху кхо, ма̄риса моггалла̄на, сан̇гхе авеччаппаса̄дена саманна̄гаманам̣ хоти – ‘суппат̣ипанно бхагавато са̄вакасан̇гхо…пе… локасса̄’ти. сан̇гхе авеччаппаса̄дена саманна̄гаманахету кхо, ма̄риса моггалла̄на, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджанти…пе….

‘‘са̄дху кхо, ма̄риса моггалла̄на, арийакантехи сӣлехи саманна̄гаманам̣ хоти акхан̣д̣ехи…пе… сама̄дхисам̣ваттаникехи. арийакантехи сӣлехи саманна̄гаманахету кхо, ма̄риса моггалла̄на, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджанти. те ан̃н̃е деве дасахи т̣ха̄нехи адхиган̣ханти – диббена а̄йуна̄…пе… диббехи пхот̣т̣хаббехӣ’’ти.

‘‘са̄дху кхо, дева̄наминда, буддхе авеччаппаса̄дена саманна̄гаманам̣ хоти – ‘итипи со бхагава̄ арахам̣ самма̄самбуддхо виджджа̄чаран̣асампанно сугато локавидӯ ануттаро пурисадаммаса̄ратхи саттха̄ деваманусса̄нам̣ буддхо бхагава̄’ти. буддхе авеччаппаса̄дена саманна̄гаманахету кхо, дева̄наминда, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджанти. те ан̃н̃е деве дасахи т̣ха̄нехи адхиган̣ханти – диббена а̄йуна̄, диббена ван̣н̣ена, диббена сукхена, диббена йасена, диббена а̄дхипатеййена, диббехи рӯпехи, диббехи саддехи, диббехи гандхехи, диббехи расехи, диббехи пхот̣т̣хаббехи.

‘‘са̄дху кхо, дева̄наминда, арийакантехи сӣлехи саманна̄гаманам̣ хоти акхан̣д̣ехи аччхиддехи асабалехи акамма̄сехи бхуджиссехи вин̃н̃уппасаттхехи апара̄мат̣т̣хехи сама̄дхисам̣ваттаникехи. арийакантехи сӣлехи саманна̄гаманахету кхо, дева̄наминда, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджанти. те ан̃н̃е деве дасахи т̣ха̄нехи адхиган̣ханти – диббена а̄йуна̄, диббена ван̣н̣ена, диббена сукхена, диббена йасена, диббена а̄дхипатеййена, диббехи рӯпехи, диббехи саддехи, диббехи гандхехи, диббехи расехи, диббехи пхот̣т̣хаббехӣ’’ти.

‘‘са̄дху кхо, ма̄риса моггалла̄на, арийакантехи сӣлехи саманна̄гаманам̣ хоти акхан̣д̣ехи…пе… сама̄дхисам̣ваттаникехи. арийакантехи сӣлехи саманна̄гаманахету кхо, ма̄риса моггалла̄на, евамидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджанти. те ан̃н̃е деве дасахи т̣ха̄нехи адхиган̣ханти – диббена а̄йуна̄, диббена ван̣н̣ена, диббена сукхена, диббена йасена, диббена а̄дхипатеййена, диббехи рӯпехи, диббехи саддехи, диббехи гандхехи, диббехи расехи, диббехи пхот̣т̣хаббехӣ’’ти. дасамам̣.