3. пат̣хамаса̄рипуттакот̣т̣хикасуттам̣

412. екам̣ самайам̣ а̄йасма̄ ча са̄рипутто, а̄йасма̄ ча маха̄кот̣т̣хико ба̄ра̄н̣асийам̣ вихаранти исипатане мигада̄йе. атха кхо а̄йасма̄ маха̄кот̣т̣хико са̄йанхасамайам̣ пат̣исалла̄на̄ вут̣т̣хито йена̄йасма̄ са̄рипутто тенупасан̇ками; упасан̇камитва̄ а̄йасмата̄ са̄рипуттена саддхим̣ саммоди. саммоданӣйам̣ катхам̣ са̄ран̣ӣйам̣ вӣтиса̄ретва̄ екамантам̣ нисӣди. екамантам̣ нисинно кхо а̄йасма̄ маха̄кот̣т̣хико а̄йасмантам̣ са̄рипуттам̣ етадавоча –

‘‘ким̣ ну кхо, а̄вусо са̄рипутта, хоти татха̄гато парам̣ маран̣а̄’’ти? ‘‘абйа̄катам̣ кхо етам̣, а̄вусо, бхагавата̄ – ‘хоти татха̄гато парам̣ маран̣а̄’’’ти. ‘‘ким̣ пана̄вусо, на хоти татха̄гато парам̣ маран̣а̄’’ти? ‘‘етампи кхо, а̄вусо, абйа̄катам̣ бхагавата̄ – ‘на хоти татха̄гато парам̣ маран̣а̄’’’ти. ‘‘ким̣ ну кхо, а̄вусо, хоти ча на ча хоти татха̄гато парам̣ маран̣а̄’’ти? ‘‘абйа̄катам̣ кхо етам̣, а̄вусо, бхагавата̄ – ‘хоти ча на ча хоти татха̄гато парам̣ маран̣а̄’’’ти. ‘‘ким̣ пана̄вусо, нева хоти на на хоти татха̄гато парам̣ маран̣а̄’’ти? ‘‘етампи кхо, а̄вусо, абйа̄катам̣ бхагавата̄ – ‘нева хоти на на хоти татха̄гато парам̣ маран̣а̄’’’ти.

‘‘‘ким̣ ну кхо, а̄вусо, хоти татха̄гато парам̣ маран̣а̄’ти ити пут̣т̣хо сама̄но, ‘абйа̄катам̣ кхо етам̣, а̄вусо, бхагавата̄ – хоти татха̄гато парам̣ маран̣а̄’ти вадеси…пе… ‘ким̣ пана̄вусо, нева хоти на на хоти татха̄гато парам̣ маран̣а̄’ти ити пут̣т̣хо сама̄но – ‘етампи кхо, а̄вусо, абйа̄катам̣ бхагавата̄ – нева хоти на на хоти татха̄гато парам̣ маран̣а̄’ти вадеси. ко ну кхо, а̄вусо, хету, ко паччайо йенетам̣ абйа̄катам̣ бхагавата̄’’ти?

‘‘хоти татха̄гато парам̣ маран̣а̄ти кхо, а̄вусо, рӯпагатаметам̣. на хоти татха̄гато парам̣ маран̣а̄ти, рӯпагатаметам̣. хоти ча на ча хоти татха̄гато парам̣ маран̣а̄ти, рӯпагатаметам̣. нева хоти на на хоти татха̄гато парам̣ маран̣а̄ти, рӯпагатаметам̣. хоти татха̄гато парам̣ маран̣а̄ти кхо, а̄вусо, ведана̄гатаметам̣. на хоти татха̄гато парам̣ маран̣а̄ти, ведана̄гатаметам̣. хоти ча на ча хоти татха̄гато парам̣ маран̣а̄ти, ведана̄гатаметам̣. нева хоти на на хоти татха̄гато парам̣ маран̣а̄ти, ведана̄гатаметам̣. хоти татха̄гато парам̣ маран̣а̄ти кхо, а̄вусо, сан̃н̃а̄гатаметам̣. на хоти татха̄гато парам̣ маран̣а̄ти, сан̃н̃а̄гатаметам̣. хоти ча на ча хоти татха̄гато парам̣ маран̣а̄ти, сан̃н̃а̄гатаметам̣. нева хоти на на хоти татха̄гато парам̣ маран̣а̄ти, сан̃н̃а̄гатаметам̣. хоти татха̄гато парам̣ маран̣а̄ти кхо, а̄вусо, сан̇кха̄рагатаметам̣. на хоти татха̄гато парам̣ маран̣а̄ти, сан̇кха̄рагатаметам̣. хоти ча на ча хоти татха̄гато парам̣ маран̣а̄ти, сан̇кха̄рагатаметам̣. нева хоти на на хоти татха̄гато парам̣ маран̣а̄ти, сан̇кха̄рагатаметам̣. хоти татха̄гато парам̣ маран̣а̄ти кхо, а̄вусо, вин̃н̃а̄н̣агатаметам̣. на хоти татха̄гато парам̣ маран̣а̄ти, вин̃н̃а̄н̣агатаметам̣. хоти ча на ча хоти татха̄гато парам̣ маран̣а̄ти, вин̃н̃а̄н̣агатаметам̣. нева хоти на на хоти татха̄гато парам̣ маран̣а̄ти, вин̃н̃а̄н̣агатаметам̣. айам̣ кхо, а̄вусо, хету айам̣ паччайо, йенетам̣ абйа̄катам̣ бхагавата̄’’ти. татийам̣.