9. индрийасампаннасуттам̣

154. атха кхо ан̃н̃атаро бхиккху йена бхагава̄ тенупасан̇ками…пе… екамантам̣ нисинно кхо со бхиккху бхагавантам̣ етадавоча – ‘‘‘индрийасампанно, индрийасампанно’ти, бханте, вуччати. китта̄вата̄ ну кхо, бханте, индрийасампанно хотӣ’’ти?

‘‘чаккхундрийе че, бхиккху, удайаббайа̄нупассӣ вихаранто чаккхундрийе ниббиндати…пе… дживхиндрийе че, бхиккху, удайаббайа̄нупассӣ вихаранто дживхиндрийе ниббиндати…пе… маниндрийе че, бхиккху, удайаббайа̄нупассӣ вихаранто маниндрийе ниббиндати. ниббиндам̣ вираджджати…пе… вимуттасмим̣ вимуттамити н̃а̄н̣ам̣ хоти. ‘кхӣн̣а̄ джа̄ти, вуситам̣ брахмачарийам̣, катам̣ каран̣ӣйам̣, на̄парам̣ иттхатта̄йа̄’ти паджа̄на̄ти. етта̄вата̄ кхо, бхиккху, индрийасампанно хотӣ’’ти. навамам̣.