9. супан̣н̣асам̣йуттам̣

1. суддхикасуттам̣

392. са̄ваттхинида̄нам̣. ‘‘чатассо има̄, бхиккхаве, супан̣н̣айонийо. катама̄ чатассо? ан̣д̣аджа̄ супан̣н̣а̄, джала̄буджа̄ супан̣н̣а̄, сам̣седаджа̄ супан̣н̣а̄, опапа̄тика̄ супан̣н̣а̄ – има̄ кхо, бхиккхаве, чатассо супан̣н̣айонийо’’ти. пат̣хамам̣.

2. харантисуттам̣

393. са̄ваттхинида̄нам̣. ‘‘чатассо има̄, бхиккхаве, супан̣н̣айонийо. катама̄ чатассо? ан̣д̣аджа̄…пе… има̄ кхо, бхиккхаве, чатассо супан̣н̣айонийо. татра, бхиккхаве, ан̣д̣аджа̄ супан̣н̣а̄ ан̣д̣аджева на̄ге харанти, на джала̄будже, на сам̣седадже, на опапа̄тике. татра, бхиккхаве, джала̄буджа̄ супан̣н̣а̄ ан̣д̣адже ча джала̄будже ча на̄ге харанти, на сам̣седадже, на опапа̄тике. татра, бхиккхаве, сам̣седаджа̄ супан̣н̣а̄ ан̣д̣адже ча джала̄будже ча сам̣седадже ча на̄ге харанти, на опапа̄тике. татра, бхиккхаве, опапа̄тика̄ супан̣н̣а̄ ан̣д̣адже ча джала̄будже ча сам̣седадже ча опапа̄тике ча на̄ге харанти. има̄ кхо, бхиккхаве, чатассо супан̣н̣айонийо’’ти. дутийам̣.

3. двайака̄рӣсуттам̣

394. са̄ваттхинида̄нам̣. ан̃н̃атаро бхиккху йена бхагава̄ тенупасан̇ками; упасан̇камитва̄ бхагавантам̣ абхива̄детва̄ екамантам̣ нисӣди. екамантам̣ нисинно кхо со бхиккху бхагавантам̣ етадавоча – ‘‘ко ну кхо, бханте, хету, ко паччайо, йена мидхекаччо ка̄йасса бхеда̄ парам̣ маран̣а̄ ан̣д̣аджа̄нам̣ супан̣н̣а̄нам̣ сахабйатам̣ упападжджатӣ’’ти? ‘‘идха, бхиккху, екаччо ка̄йена двайака̄рӣ хоти, ва̄ча̄йа двайака̄рӣ, манаса̄ двайака̄рӣ. тасса сутам̣ хоти – ‘ан̣д̣аджа̄ супан̣н̣а̄ дӣгха̄йука̄ ван̣н̣аванто сукхабахула̄’ти. тасса евам̣ хоти – ‘ахо вата̄хам̣ ка̄йасса бхеда̄ парам̣ маран̣а̄ ан̣д̣аджа̄нам̣ супан̣н̣а̄нам̣ сахабйатам̣ упападжджеййа’нти. со ка̄йасса бхеда̄ парам̣ маран̣а̄ ан̣д̣аджа̄нам̣ супан̣н̣а̄нам̣ сахабйатам̣ упападжджати. айам̣ кхо, бхиккху, хету, айам̣ паччайо, йена мидхекаччо ка̄йасса бхеда̄ парам̣ маран̣а̄ ан̣д̣аджа̄нам̣ супан̣н̣а̄нам̣ сахабйатам̣ упападжджатӣ’’ти. татийам̣.

4-6. дутийа̄дидвайака̄рӣсуттаттикам̣

395-397. са̄ваттхинида̄нам̣. екамантам̣ нисинно кхо со бхиккху бхагавантам̣ етадавоча – ‘‘ко ну кхо, бханте, хету, ко паччайо, йена мидхекаччо ка̄йасса бхеда̄ парам̣ маран̣а̄ джала̄буджа̄нам̣ супан̣н̣а̄нам̣…пе… сам̣седаджа̄нам̣ супан̣н̣а̄нам̣…пе… опапа̄тика̄нам̣ супан̣н̣а̄нам̣ сахабйатам̣ упападжджатӣ’’ти? ‘‘идха, бхиккху, екаччо ка̄йена двайака̄рӣ хоти, ва̄ча̄йа двайака̄рӣ, манаса̄ двайака̄рӣ. тасса сутам̣ хоти – ‘опапа̄тика̄ супан̣н̣а̄ дӣгха̄йука̄ ван̣н̣аванто сукхабахула̄’ти. тасса евам̣ хоти – ‘ахо вата̄хам̣ ка̄йасса бхеда̄ парам̣ маран̣а̄ опапа̄тика̄нам̣ супан̣н̣а̄нам̣ сахабйатам̣ упападжджеййа’нти. со ка̄йасса бхеда̄ парам̣ маран̣а̄ опапа̄тика̄нам̣ супан̣н̣а̄нам̣ сахабйатам̣ упападжджати. айам̣ кхо, бхиккху, хету, айам̣ паччайо, йена мидхекаччо ка̄йасса бхеда̄ парам̣ маран̣а̄ опапа̄тика̄нам̣ супан̣н̣а̄нам̣ сахабйатам̣ упападжджатӣ’’ти. чхат̣т̣хам̣.

7-16. ан̣д̣аджада̄нӯпака̄расуттадасакам̣

398-407. са̄ваттхинида̄нам̣. екамантам̣ нисинно кхо со бхиккху бхагавантам̣ етадавоча – ‘‘ко ну кхо, бханте, хету, ко паччайо, йена мидхекаччо ка̄йасса бхеда̄ парам̣ маран̣а̄ ан̣д̣аджа̄нам̣ супан̣н̣а̄нам̣ сахабйатам̣ упападжджатӣ’’ти? ‘‘идха, бхиккху, екаччо ка̄йена двайака̄рӣ хоти, ва̄ча̄йа двайака̄рӣ, манаса̄ двайака̄рӣ. тасса сутам̣ хоти – ‘ан̣д̣аджа̄ супан̣н̣а̄ дӣгха̄йука̄ ван̣н̣аванто сукхабахула̄’ти. тасса евам̣ хоти – ‘ахо вата̄хам̣ ка̄йасса бхеда̄ парам̣ маран̣а̄ ан̣д̣аджа̄нам̣ супан̣н̣а̄нам̣ сахабйатам̣ упападжджеййа’нти. со аннам̣ дети…пе… па̄нам̣ дети… ваттхам̣ дети… йа̄нам̣ дети… ма̄лам̣ дети… гандхам̣ дети… вилепанам̣ дети… сеййам̣ дети… а̄васатхам̣ дети… падӣпеййам̣ дети. со ка̄йасса бхеда̄ парам̣ маран̣а̄ ан̣д̣аджа̄нам̣ супан̣н̣а̄нам̣ сахабйатам̣ упападжджати. айам̣ кхо, бхиккху, хету, айам̣ паччайо, йена мидхекаччо ка̄йасса бхеда̄ парам̣ маран̣а̄ ан̣д̣аджа̄нам̣ супан̣н̣а̄нам̣ сахабйатам̣ упападжджатӣ’’ти. сол̣асамам̣.

17-46. джала̄буджа̄дида̄нӯпака̄расуттатим̣сакам̣

408-437. са̄ваттхинида̄нам̣. екамантам̣ нисинно кхо со бхиккху бхагавантам̣ етадавоча – ‘‘ко ну кхо, бханте, хету, ко паччайо, йена мидхекаччо ка̄йасса бхеда̄ парам̣ маран̣а̄ джала̄буджа̄нам̣ супан̣н̣а̄нам̣…пе… сам̣седаджа̄нам̣ супан̣н̣а̄нам̣…пе… опапа̄тика̄нам̣ супан̣н̣а̄нам̣ сахабйатам̣ упападжджатӣ’’ти? ‘‘идха, бхиккху, екаччо ка̄йена двайака̄рӣ хоти, ва̄ча̄йа двайака̄рӣ, манаса̄ двайака̄рӣ. тасса сутам̣ хоти – ‘опапа̄тика̄ супан̣н̣а̄ дӣгха̄йука̄ ван̣н̣аванто сукхабахула̄’ти. тасса евам̣ хоти – ‘ахо вата̄хам̣ ка̄йасса бхеда̄ парам̣ маран̣а̄ опапа̄тика̄нам̣ супан̣н̣а̄нам̣ сахабйатам̣ упападжджеййа’нти. со аннам̣ дети…пе… па̄нам̣ дети…пе… падӣпеййам̣ дети. со ка̄йасса бхеда̄ парам̣ маран̣а̄ опапа̄тика̄нам̣ супан̣н̣а̄нам̣ сахабйатам̣ упападжджати. айам̣ кхо, бхиккху, хету, айам̣ паччайо, йена мидхекаччо ка̄йасса бхеда̄ парам̣ маран̣а̄ опапа̄тика̄нам̣ супан̣н̣а̄нам̣ сахабйатам̣ упападжджатӣ’’ти. чхачатта̄лӣсамам̣.

(евам̣ пин̣д̣акена чхачатта̄лӣсам̣ суттанта̄ хонти.)

супан̣н̣асам̣йуттам̣ саматтам̣.