10. гандхаббака̄йасам̣йуттам̣

1. суддхикасуттам̣

438. екам̣ самайам̣ бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме …пе… бхагава̄ етадавоча – ‘‘гандхаббака̄йике во, бхиккхаве, деве десесса̄ми. там̣ сун̣а̄тха. катама̄ ча, бхиккхаве, гандхаббака̄йика̄ дева̄? санти, бхиккхаве, мӯлагандхе адхиваттха̄ дева̄. санти, бхиккхаве, са̄рагандхе адхиваттха̄ дева̄. санти, бхиккхаве, пхеггугандхе адхиваттха̄ дева̄. санти, бхиккхаве, тачагандхе адхиваттха̄ дева̄. санти, бхиккхаве, папат̣икагандхе адхиваттха̄ дева̄. санти, бхиккхаве, паттагандхе адхиваттха̄ дева̄. санти, бхиккхаве, пуппхагандхе адхиваттха̄ дева̄. санти, бхиккхаве, пхалагандхе адхиваттха̄ дева̄. санти, бхиккхаве, расагандхе адхиваттха̄ дева̄. санти, бхиккхаве, гандхагандхе адхиваттха̄ дева̄. име вуччанти, бхиккхаве, гандхаббака̄йика̄ дева̄’’ти. пат̣хамам̣.

2. сучаритасуттам̣

439. са̄ваттхинида̄нам̣. екамантам̣ нисинно кхо со бхиккху бхагавантам̣ етадавоча – ‘‘ко ну кхо, бханте, хету, ко паччайо, йена мидхекаччо ка̄йасса бхеда̄ парам̣ маран̣а̄ гандхаббака̄йика̄нам̣ дева̄нам̣ сахабйатам̣ упападжджатӣ’’ти? ‘‘идха, бхиккху, екаччо ка̄йена сучаритам̣ чарати, ва̄ча̄йа сучаритам̣ чарати, манаса̄ сучаритам̣ чарати. тасса сутам̣ хоти – ‘гандхаббака̄йика̄ дева̄ дӣгха̄йука̄ ван̣н̣аванто сукхабахула̄’ти. тасса евам̣ хоти – ‘ахо вата̄хам̣ ка̄йасса бхеда̄ парам̣ маран̣а̄ гандхаббака̄йика̄нам̣ дева̄нам̣ сахабйатам̣ упападжджеййа’нти. со ка̄йасса бхеда̄ парам̣ маран̣а̄ гандхаббака̄йика̄нам̣ дева̄нам̣ сахабйатам̣ упападжджати. айам̣ кхо, бхиккху, хету, айам̣ паччайо, йена мидхекаччо ка̄йасса бхеда̄ парам̣ маран̣а̄ гандхаббака̄йика̄нам̣ дева̄нам̣ сахабйатам̣ упападжджатӣ’’ти. дутийам̣.

3. мӯлагандхада̄та̄суттам̣

440. са̄ваттхинида̄нам̣. екамантам̣ нисинно кхо со бхиккху бхагавантам̣ етадавоча – ‘‘ко ну кхо, бханте, хету, ко паччайо, йена мидхекаччо ка̄йасса бхеда̄ парам̣ маран̣а̄ мӯлагандхе адхиваттха̄нам̣ дева̄нам̣ сахабйатам̣ упападжджатӣ’’ти? ‘‘идха, бхиккху, екаччо ка̄йена сучаритам̣ чарати, ва̄ча̄йа сучаритам̣ чарати, манаса̄ сучаритам̣ чарати. тасса сутам̣ хоти – ‘мӯлагандхе адхиваттха̄ дева̄ дӣгха̄йука̄ ван̣н̣аванто сукхабахула̄’ти. тасса евам̣ хоти – ‘ахо вата̄хам̣ ка̄йасса бхеда̄ парам̣ маран̣а̄ мӯлагандхе адхиваттха̄нам̣ дева̄нам̣ сахабйатам̣ упападжджеййа’нти. со да̄та̄ хоти мӯлагандха̄нам̣. со ка̄йасса бхеда̄ парам̣ маран̣а̄ мӯлагандхе адхиваттха̄нам̣ дева̄нам̣ сахабйатам̣ упападжджати. айам̣ кхо, бхиккху, хету…пе… йена мидхекаччо ка̄йасса бхеда̄ парам̣ маран̣а̄ мӯлагандхе адхиваттха̄нам̣ дева̄нам̣ сахабйатам̣ упападжджатӣ’’ти. татийам̣.

4-12. са̄рагандха̄дида̄та̄суттанавакам̣

441-449. са̄ваттхинида̄нам̣. екамантам̣ нисинно кхо со бхиккху бхагавантам̣ етадавоча – ‘‘ко ну кхо, бханте, хету, ко паччайо, йена мидхекаччо ка̄йасса бхеда̄ парам̣ маран̣а̄ са̄рагандхе адхиваттха̄нам̣ дева̄нам̣…пе… пхеггугандхе адхиваттха̄нам̣ дева̄нам̣… тачагандхе адхиваттха̄нам̣ дева̄нам̣… папат̣икагандхе адхиваттха̄нам̣ дева̄нам̣… паттагандхе адхиваттха̄нам̣ дева̄нам̣… пуппхагандхе адхиваттха̄нам̣ дева̄нам̣… пхалагандхе адхиваттха̄нам̣ дева̄нам̣… расагандхе адхиваттха̄нам̣ дева̄нам̣… гандхагандхе адхиваттха̄нам̣ дева̄нам̣ сахабйатам̣ упападжджатӣ’’ти? ‘‘идха, бхиккху, екаччо ка̄йена сучаритам̣ чарати, ва̄ча̄йа сучаритам̣ чарати, манаса̄ сучаритам̣ чарати. тасса сутам̣ хоти – ‘са̄рагандхе адхиваттха̄ дева̄ дӣгха̄йука̄ ван̣н̣аванто сукхабахула̄’ти. тасса евам̣ хоти – ‘ахо вата̄хам̣ ка̄йасса бхеда̄ парам̣ маран̣а̄ са̄рагандхе адхиваттха̄нам̣ дева̄нам̣…пе… пхеггугандхе адхиваттха̄нам̣ дева̄нам̣… тачагандхе адхиваттха̄нам̣ дева̄нам̣… папат̣икагандхе адхиваттха̄нам̣ дева̄нам̣… паттагандхе адхиваттха̄нам̣ дева̄нам̣… пуппхагандхе адхиваттха̄нам̣ дева̄нам̣… пхалагандхе адхиваттха̄нам̣ дева̄нам̣… расагандхе адхиваттха̄нам̣ дева̄нам̣… гандхагандхе адхиваттха̄нам̣ дева̄нам̣ сахабйатам̣ упападжджеййа’нти. со да̄та̄ хоти са̄рагандха̄нам̣…пе… со да̄та̄ хоти пхеггугандха̄нам̣… со да̄та̄ хоти тачагандха̄нам̣… со да̄та̄ хоти папат̣икагандха̄нам̣… со да̄та̄ хоти паттагандха̄нам̣… со да̄та̄ хоти пуппхагандха̄нам̣… со да̄та̄ хоти пхалагандха̄нам̣… со да̄та̄ хоти расагандха̄нам̣… со да̄та̄ хоти гандхагандха̄нам̣. со ка̄йасса бхеда̄ парам̣ маран̣а̄ гандхагандхе адхиваттха̄нам̣ дева̄нам̣ сахабйатам̣ упападжджати. айам̣ кхо, бхиккху, хету, айам̣ паччайо, йена мидхекаччо ка̄йасса бхеда̄ парам̣ маран̣а̄ гандхагандхе адхиваттха̄нам̣ дева̄нам̣ сахабйатам̣ упападжджатӣ’’ти. два̄дасамам̣.

13-22. мӯлагандхада̄нӯпака̄расуттадасакам̣

450-459. са̄ваттхинида̄нам̣. екамантам̣ нисинно кхо со бхиккху бхагавантам̣ етадавоча – ‘‘ко ну кхо, бханте, хету, ко паччайо, йена мидхекаччо ка̄йасса бхеда̄ парам̣ маран̣а̄ мӯлагандхе адхиваттха̄нам̣ дева̄нам̣ сахабйатам̣ упападжджатӣ’’ти? ‘‘идха, бхиккху, екаччо ка̄йена сучаритам̣ чарати, ва̄ча̄йа сучаритам̣ чарати, манаса̄ сучаритам̣ чарати. тасса сутам̣ хоти – ‘мӯлагандхе адхиваттха̄ дева̄ дӣгха̄йука̄ ван̣н̣аванто сукхабахула̄’ти. тасса евам̣ хоти – ‘ахо вата̄хам̣ ка̄йасса бхеда̄ парам̣ маран̣а̄ мӯлагандхе адхиваттха̄нам̣ дева̄нам̣ сахабйатам̣ упападжджеййа’нти. со аннам̣ дети…пе… па̄нам̣ дети… ваттхам̣ дети… йа̄нам̣ дети… ма̄лам̣ дети… гандхам̣ дети… вилепанам̣ дети… сеййам̣ дети… а̄васатхам̣ дети… падӣпеййам̣ дети. со ка̄йасса бхеда̄ парам̣ маран̣а̄ мӯлагандхе адхиваттха̄нам̣ дева̄нам̣ сахабйатам̣ упападжджати. айам̣ кхо, бхиккху, хету, айам̣ паччайо, йена мидхекаччо ка̄йасса бхеда̄ парам̣ маран̣а̄ мӯлагандхе адхиваттха̄нам̣ дева̄нам̣ сахабйатам̣ упападжджатӣ’’ти. ба̄вӣсатимам̣.

23-112. са̄рагандха̄дида̄нӯпака̄расуттанавутикам̣

460-549. са̄ваттхинида̄нам̣. екамантам̣ нисинно кхо со бхиккху бхагавантам̣ етадавоча – ‘‘ко ну кхо, бханте, хету, ко паччайо, йена мидхекаччо ка̄йасса бхеда̄ парам̣ маран̣а̄ са̄рагандхе адхиваттха̄нам̣ дева̄нам̣…пе… пхеггугандхе адхиваттха̄нам̣ дева̄нам̣… тачагандхе адхиваттха̄нам̣ дева̄нам̣ … папат̣икагандхе адхиваттха̄нам̣ дева̄нам̣… паттагандхе адхиваттха̄нам̣ дева̄нам̣… пуппхагандхе адхиваттха̄нам̣ дева̄нам̣… пхалагандхе адхиваттха̄нам̣ дева̄нам̣… расагандхе адхиваттха̄нам̣ дева̄нам̣… гандхагандхе адхиваттха̄нам̣ дева̄нам̣ сахабйатам̣ упападжджатӣ’’ти? ‘‘идха, бхиккху, екаччо ка̄йена сучаритам̣ чарати, ва̄ча̄йа сучаритам̣ чарати, манаса̄ сучаритам̣ чарати. тасса сутам̣ хоти – ‘гандхагандхе адхиваттха̄ дева̄ дӣгха̄йука̄ ван̣н̣аванто сукхабахула̄’ти. тасса евам̣ хоти – ‘ахо вата̄хам̣ ка̄йасса бхеда̄ парам̣ маран̣а̄ гандхагандхе адхиваттха̄нам̣ дева̄нам̣ сахабйатам̣ упападжджеййа’нти. со аннам̣ дети…пе… па̄нам̣ дети… ваттхам̣ дети… йа̄нам̣ дети… ма̄лам̣ дети… гандхам̣ дети… вилепанам̣ дети… сеййам̣ дети… а̄васатхам̣ дети… падӣпеййам̣ дети. со ка̄йасса бхеда̄ парам̣ маран̣а̄ гандхагандхе адхиваттха̄нам̣ дева̄нам̣ сахабйатам̣ упападжджати. айам̣ кхо, бхиккху, хету, айам̣ паччайо, йена мидхекаччо ка̄йасса бхеда̄ парам̣ маран̣а̄ гандхагандхе адхиваттха̄нам̣ дева̄нам̣ сахабйатам̣ упападжджатӣ’’ти. два̄дасасатимам̣.

(евам̣ пин̣д̣акена екасатан̃ча два̄даса ча суттанта̄ хонти.)

гандхаббака̄йасам̣йуттам̣ саматтам̣.