21-50. джала̄буджа̄дида̄нӯпака̄расуттаттим̣сакам̣

362-391. са̄ваттхинида̄нам̣. екамантам̣ нисинно кхо со бхиккху бхагавантам̣ етадавоча – ‘‘ко ну кхо, бханте, хету, ко паччайо, йена мидхекаччо ка̄йасса бхеда̄ парам̣ маран̣а̄ джала̄буджа̄нам̣ на̄га̄нам̣…пе… сам̣седаджа̄нам̣ на̄га̄нам̣…пе… опапа̄тика̄нам̣ на̄га̄нам̣ сахабйатам̣ упападжджатӣ’’ти?

‘‘идха, бхиккху, екаччо ка̄йена двайака̄рӣ хоти, ва̄ча̄йа двайака̄рӣ, манаса̄ двайака̄рӣ. тасса сутам̣ хоти – ‘опапа̄тика̄ на̄га̄ дӣгха̄йука̄ ван̣н̣аванто сукхабахула̄’ти. тасса евам̣ хоти – ‘ахо вата̄хам̣ ка̄йасса бхеда̄ парам̣ маран̣а̄ опапа̄тика̄нам̣ на̄га̄нам̣ сахабйатам̣ упападжджеййа’нти. со аннам̣ дети…пе… па̄нам̣ дети…пе… падӣпеййам̣ дети. со ка̄йасса бхеда̄ парам̣ маран̣а̄ опапа̄тика̄нам̣ на̄га̄нам̣ сахабйатам̣ упападжджати. айам̣ кхо, бхиккху, хету, айам̣ паччайо, йена мидхекаччо ка̄йасса бхеда̄ парам̣ маран̣а̄ опапа̄тика̄нам̣ на̄га̄нам̣ сахабйатам̣ упападжджатӣ’’ти.

(имина̄ пеййа̄лена даса даса суттанта̄ ка̄табба̄. евам̣ чатӯсу йонӣсу чатта̄лӣсам̣ веййа̄каран̣а̄ хонти. пуримехи пана дасахи суттантехи саха хонти пан̣н̣а̄сасуттанта̄ти.)

на̄гасам̣йуттам̣ саматтам̣.