11-20. ан̣д̣аджада̄нӯпака̄расуттадасакам̣

352-361. екамантам̣ нисинно кхо со бхиккху бхагавантам̣ етадавоча – ‘‘ко ну кхо, бханте, хету, ко паччайо, йена мидхекаччо ка̄йасса бхеда̄ парам̣ маран̣а̄ ан̣д̣аджа̄нам̣ на̄га̄нам̣ сахабйатам̣ упападжджатӣ’’ти?

‘‘идха, бхиккху, екаччо ка̄йена двайака̄рӣ хоти, ва̄ча̄йа двайака̄рӣ, манаса̄ двайака̄рӣ. тасса сутам̣ хоти – ‘ан̣д̣аджа̄ на̄га̄ дӣгха̄йука̄ ван̣н̣аванто сукхабахула̄’ти. тасса евам̣ хоти – ‘ахо вата̄хам̣ ка̄йасса бхеда̄ парам̣ маран̣а̄ ан̣д̣аджа̄нам̣ на̄га̄нам̣ сахабйатам̣ упападжджеййа’нти. со аннам̣ дети. со ка̄йасса бхеда̄ парам̣ маран̣а̄ ан̣д̣аджа̄нам̣ на̄га̄нам̣ сахабйатам̣ упападжджати. айам̣ кхо, бхиккху, хету…пе… упападжджатӣти…пе… со па̄нам̣ дети…пе… ваттхам̣ дети…пе… йа̄нам̣ дети…пе… ма̄лам̣ дети…пе… гандхам̣ дети…пе… вилепанам̣ дети…пе… сеййам̣ дети…пе… а̄васатхам̣ дети…пе… падӣпеййам̣ дети. со ка̄йасса бхеда̄ парам̣ маран̣а̄ ан̣д̣аджа̄нам̣ на̄га̄нам̣ сахабйатам̣ упападжджати. айам̣ кхо, бхиккху, хету, айам̣ паччайо, йена мидхекаччо ка̄йасса бхеда̄ парам̣ маран̣а̄ ан̣д̣аджа̄нам̣ на̄га̄нам̣ сахабйатам̣ упападжджатӣ’’ти. вӣсатимам̣.