1. чаккхусуттам̣

302. са̄ваттхинида̄нам̣. ‘‘чаккхум̣, бхиккхаве, аниччам̣ випарин̣а̄ми ан̃н̃атха̄бха̄ви; сотам̣ аниччам̣ випарин̣а̄ми ан̃н̃атха̄бха̄ви; гха̄нам̣ аниччам̣ випарин̣а̄ми ан̃н̃атха̄бха̄ви; дживха̄ аничча̄ випарин̣а̄мӣ ан̃н̃атха̄бха̄вӣ [випарин̣а̄минӣ ан̃н̃атха̄бха̄винӣ (?)]; ка̄йо аниччо випарин̣а̄мӣ ан̃н̃атха̄бха̄вӣ; мано аниччо випарин̣а̄мӣ ан̃н̃атха̄бха̄вӣ. йо, бхиккхаве, име дхамме евам̣ саддахати адхимуччати – айам̣ вуччати саддха̄нуса̄рӣ, окканто самматтанийа̄мам̣, саппурисабхӯмим̣ окканто, вӣтиватто путхуджджанабхӯмим̣; абхаббо там̣ каммам̣ ка̄тум̣, йам̣ каммам̣ катва̄ нирайам̣ ва̄ тираччха̄найоним̣ ва̄ петтивисайам̣ ва̄ упападжджеййа; абхаббо ча [абхаббова (сӣ. сйа̄. кам̣.)] та̄ва ка̄лам̣ ка̄тум̣ йа̄ва на сота̄паттипхалам̣ саччхикароти’’.

‘‘йасса кхо, бхиккхаве, име дхамма̄ евам̣ пан̃н̃а̄йа маттасо ниджджха̄нам̣ кхаманти, айам̣ вуччати – ‘дхамма̄нуса̄рӣ, окканто самматтанийа̄мам̣, саппурисабхӯмим̣ окканто, вӣтиватто путхуджджанабхӯмим̣; абхаббо там̣ каммам̣ ка̄тум̣, йам̣ каммам̣ катва̄ нирайам̣ ва̄ тираччха̄найоним̣ ва̄ петтивисайам̣ ва̄ упападжджеййа; абхаббо ча та̄ва ка̄лам̣ ка̄тум̣ йа̄ва на сота̄паттипхалам̣ саччхикароти’. йо, бхиккхаве, име дхамме евам̣ паджа̄на̄ти евам̣ пассати, айам̣ вуччати – ‘сота̄панно авинипа̄тадхаммо нийато самбодхипара̄йано’’’ти. пат̣хамам̣.