53. сӣтавала̄хакасуттам̣

602. са̄ваттхинида̄нам̣. екамантам̣ нисинно кхо со бхиккху бхагавантам̣ етадавоча – ‘‘ко ну кхо, бханте, хету, ко паччайо, йенекада̄ сӣтам̣ хотӣ’’ти? ‘‘санти, бхиккху, сӣтавала̄хака̄ на̄ма дева̄. тесам̣ йада̄ евам̣ хоти – ‘йам̣нӯна майам̣ сака̄йа ратийа̄ васеййа̄ма̄’ти [рамеййа̄ма̄ти (сӣ. сйа̄. кам̣. пӣ.) евамупарипи], тесам̣ там̣ четопан̣идхиманва̄йа сӣтам̣ хоти. айам̣ кхо, бхиккху, хету, айам̣ паччайо, йенекада̄ сӣтам̣ хотӣ’’ти. тепан̃н̃а̄самам̣.