4. оккха̄суттам̣

226. са̄ваттхийам̣ вихарати…пе… ‘‘йо, бхиккхаве, пуббан̣хасамайам̣ оккха̄сатам̣ да̄нам̣ дадеййа, йо маджджханхикасамайам̣ оккха̄сатам̣ да̄нам̣ дадеййа, йо са̄йанхасамайам̣ оккха̄сатам̣ да̄нам̣ дадеййа, йо ва̄ пуббан̣хасамайам̣ антамасо гаддуханаматтампи меттачиттам̣ бха̄веййа, йо ва̄ маджджханхикасамайам̣ антамасо гаддуханаматтампи меттачиттам̣ бха̄веййа, йо ва̄ са̄йанхасамайам̣ антамасо гаддуханаматтампи меттачиттам̣ бха̄веййа, идам̣ тато махаппхалатарам̣. тасма̄тиха, бхиккхаве, евам̣ сиккхитаббам̣ – ‘метта̄ но четовимутти бха̄вита̄ бхависсати бахулӣката̄ йа̄нӣката̄ ваттхуката̄ анут̣т̣хита̄ паричита̄ сусама̄раддха̄’ти. еван̃хи во, бхиккхаве, сиккхитабба’’нти. чатуттхам̣.