11. син̇га̄ласуттам̣

233. са̄ваттхийам̣ вихарати…пе… ‘‘ассуттха но тумхе, бхиккхаве, раттийа̄ паччӯсасамайам̣ джарасин̇га̄ласса вассама̄насса̄’’ти? ‘‘евам̣, бханте’’. ‘‘есо кхо, бхиккхаве, джарасин̇га̄ло уккан̣д̣акена на̄ма рогаджа̄тена пхут̣т̣хо. со йена йена иччхати тена тена гаччхати; йаттха йаттха иччхати таттха таттха тит̣т̣хати; йаттха йаттха иччхати таттха таттха нисӣдати; йаттха йаттха иччхати таттха таттха нипаджджати; сӣтакопи нам̣ ва̄то упава̄йати. са̄дху кхвасса, бхиккхаве, йам̣ идхекаччо сакйапуттийапат̣ин̃н̃о еварӯпампи аттабха̄вапат̣ила̄бхам̣ пат̣исам̣ведийетха. тасма̄тиха, бхиккхаве, евам̣ сиккхитаббам̣ – ‘аппаматта̄ вихарисса̄ма̄’ти. еван̃хи во, бхиккхаве, сиккхитабба’’нти. ека̄дасамам̣.