3. гин̃джака̄васатхасуттам̣

97. екам̣ самайам̣ бхагава̄ н̃а̄тике вихарати гин̃джака̄васатхе. татра кхо бхагава̄ бхиккхӯ а̄мантеси – ‘‘бхиккхаво’’ти. ‘‘бхаданте’’ти те бхиккхӯ бхагавато паччассосум̣. бхагава̄ етадавоча –

‘‘дха̄тум̣, бхиккхаве, пат̣ичча уппаджджати сан̃н̃а̄, уппаджджати дит̣т̣хи, уппаджджати витакко’’ти. евам̣ вутте, а̄йасма̄ качча̄но [саддхо качча̄но (ка.)] бхагавантам̣ етадавоча – ‘‘йа̄йам̣, бханте, дит̣т̣хи – ‘асамма̄самбуддхесу самма̄самбуддха̄’ти, айам̣ ну кхо, бханте, дит̣т̣хи ким̣ пат̣ичча пан̃н̃а̄йатӣ’’ти?

‘‘махати кхо еса̄, качча̄на, дха̄ту йадидам̣ авиджджа̄дха̄ту. хӣнам̣, качча̄на, дха̄тум̣ пат̣ичча уппаджджати хӣна̄ сан̃н̃а̄, хӣна̄ дит̣т̣хи, хӣно витакко, хӣна̄ четана̄, хӣна̄ паттхана̄, хӣно пан̣идхи, хӣно пуггало, хӣна̄ ва̄ча̄; хӣнам̣ а̄чиккхати десети пан̃н̃апети пат̣т̣хапети виварати вибхаджати утта̄нӣкароти; хӣна̄ тасса упапаттӣти вада̄ми.

‘‘маджджхимам̣, качча̄на, дха̄тум̣ пат̣ичча уппаджджати маджджхима̄ сан̃н̃а̄, маджджхима̄ дит̣т̣хи, маджджхимо витакко, маджджхима̄ четана̄, маджджхима̄ паттхана̄, маджджхимо пан̣идхи, маджджхимо пуггало, маджджхима̄ ва̄ча̄; маджджхимам̣ а̄чиккхати десети пан̃н̃апети пат̣т̣хапети виварати вибхаджати утта̄нӣкароти; маджджхима̄ тасса упапаттӣти вада̄ми.

‘‘пан̣ӣтам̣, качча̄на, дха̄тум̣ пат̣ичча уппаджджати пан̣ӣта̄ сан̃н̃а̄, пан̣ӣта̄ дит̣т̣хи, пан̣ӣто витакко, пан̣ӣта̄ четана̄, пан̣ӣта̄ паттхана̄, пан̣ӣто пан̣идхи, пан̣ӣто пуггало, пан̣ӣта̄ ва̄ча̄; пан̣ӣтам̣ а̄чиккхати десети пан̃н̃апети пат̣т̣хапети виварати вибхаджати утта̄нӣкароти; пан̣ӣта̄ тасса упапаттӣти вада̄мӣ’’ти. татийам̣.