11. аппассутамӯлакасуттам̣

105. са̄ваттхийам̣ вихарати…пе… ‘‘дха̄тусова, бхиккхаве, сатта̄ сам̣санданти саменти. аппассута̄ аппассутехи саддхим̣ сам̣санданти саменти; кусӣта̄ кусӣтехи саддхим̣ сам̣санданти саменти; дуппан̃н̃а̄ дуппан̃н̃ехи саддхим̣ сам̣санданти саменти; бахуссута̄ бахуссутехи саддхим̣ сам̣санданти саменти; а̄раддхавӣрийа̄ а̄раддхавӣрийехи саддхим̣ сам̣санданти саменти; пан̃н̃аванто пан̃н̃авантехи саддхим̣ сам̣санданти саменти…пе…. (1)

‘‘аппассута̄ аппассутехи саддхим̣ сам̣санданти саменти; мут̣т̣хассатино мут̣т̣хассатӣхи саддхим̣ сам̣санданти саменти; дуппан̃н̃а̄ дуппан̃н̃ехи саддхим̣ сам̣санданти саменти; бахуссута̄ бахуссутехи саддхим̣ сам̣санданти саменти; упат̣т̣хитассатино упат̣т̣хитассатӣхи саддхим̣ сам̣санданти саменти; пан̃н̃аванто пан̃н̃авантехи саддхим̣ сам̣санданти саментӣти…пе…. ека̄дасамам̣. (2)