8. саман̣абра̄хман̣авагго

1. джара̄маран̣асуттам̣

71. евам̣ ме сутам̣ – екам̣ самайам̣ бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. татра кхо бхагава̄…пе… ‘‘йе хи кечи, бхиккхаве, саман̣а̄ ва̄ бра̄хман̣а̄ ва̄ джара̄маран̣ам̣ наппаджа̄нанти, джара̄маран̣асамудайам̣ наппаджа̄нанти, джара̄маран̣аниродхам̣ наппаджа̄нанти, джара̄маран̣аниродхага̄миним̣ пат̣ипадам̣ наппаджа̄нанти, на ме те, бхиккхаве, саман̣а̄ ва̄ бра̄хман̣а̄ ва̄ саман̣есу ва̄ саман̣асаммата̄ бра̄хман̣есу ва̄ бра̄хман̣асаммата̄, на ча пана те а̄йасманто са̄ман̃н̃аттхам̣ ва̄ брахман̃н̃аттхам̣ ва̄ дит̣т̣хева дхамме сайам̣ абхин̃н̃а̄ саччхикатва̄ упасампаджджа вихаранти.

‘‘йе ча кхо кечи, бхиккхаве, саман̣а̄ ва̄ бра̄хман̣а̄ ва̄ джара̄маран̣ам̣ паджа̄нанти…пе… пат̣ипадам̣ паджа̄нанти, те кхо ме, бхиккхаве, саман̣а̄ ва̄ бра̄хман̣а̄ ва̄ саман̣есу чева саман̣асаммата̄ бра̄хман̣есу ча бра̄хман̣асаммата̄, те ча пана̄йасманто са̄ман̃н̃аттхан̃ча брахман̃н̃аттхан̃ча дит̣т̣хева дхамме сайам̣ абхин̃н̃а̄ саччхикатва̄ упасампаджджа вихарантӣ’’ти. (суттанто еко). пат̣хамам̣.

2-11. джа̄тисутта̄дидасакам̣

72. са̄ваттхийам̣ вихарати…пе… джа̄тим̣ наппаджа̄нанти…пе….

(3) бхавам̣ наппаджа̄нанти…пе….

(4) упа̄да̄нам̣ наппаджа̄нанти…пе….

(5) тан̣хам̣ наппаджа̄нанти…пе….

(6) веданам̣ наппаджа̄нанти…пе….

(7) пхассам̣ наппаджа̄нанти…пе….

(8) сал̣а̄йатанам̣ наппаджа̄нанти…пе….

(9) на̄марӯпам̣ наппаджа̄нанти…пе….

(10) вин̃н̃а̄н̣ам̣ наппаджа̄нанти…пе….

(11) ‘‘сан̇кха̄ре наппаджа̄нанти, сан̇кха̄расамудайам̣ наппаджа̄нанти, сан̇кха̄раниродхам̣ наппаджа̄нанти, сан̇кха̄раниродхага̄миним̣ пат̣ипадам̣ наппаджа̄нанти…пе… сан̇кха̄ре паджа̄нанти…пе… сайам̣ абхин̃н̃а̄ саччхикатва̄ упасампаджджа вихарантӣ’’ти. ека̄дасамам̣.

саман̣абра̄хман̣авагго ат̣т̣хамо.

тассудда̄нам̣ –

паччайека̄даса вутта̄, чатусаччавибхаджджана̄;

саман̣абра̄хман̣авагго, нида̄не бхавати ат̣т̣хамо.

ваггудда̄нам̣ –

буддхо а̄ха̄ро дасабало, кал̣а̄ро гахапатипан̃чамо;

дуккхавагго маха̄вагго, ат̣т̣хамо саман̣абра̄хман̣оти.