5. анума̄насуттам̣

181. евам̣ ме сутам̣ – екам̣ самайам̣ а̄йасма̄ маха̄моггалла̄но бхаггесу вихарати сусума̄рагире [сум̣сума̄рагире (сӣ. сйа̄. пӣ.)] бхесакал̣а̄ване мигада̄йе. татра кхо а̄йасма̄ маха̄моггалла̄но бхиккхӯ а̄мантеси – ‘‘а̄вусо, бхиккхаво’’ти. ‘‘а̄вусо’’ти кхо те бхиккхӯ а̄йасмато маха̄моггалла̄насса паччассосум̣. а̄йасма̄ маха̄моггалла̄но етадавоча –

‘‘пава̄рети чепи, а̄вусо, бхиккху – ‘ваданту мам̣ а̄йасманто, вачанӣйомхи а̄йасмантехӣ’ти, со ча хоти дуббачо, довачассакаран̣ехи дхаммехи саманна̄гато, аккхамо аппадаккхин̣агга̄хӣ ануса̄саним̣, атха кхо нам̣ сабрахмача̄рӣ на чева ваттаббам̣ ман̃н̃анти, на ча ануса̄ситаббам̣ ман̃н̃анти, на ча тасмим̣ пуггале висса̄сам̣ а̄паджджитаббам̣ ман̃н̃анти.

‘‘катаме ча̄вусо, довачассакаран̣а̄ дхамма̄? идха̄вусо, бхиккху па̄пиччхо хоти, па̄пика̄нам̣ иччха̄нам̣ васам̣ гато. йампа̄вусо, бхиккху па̄пиччхо хоти, па̄пика̄нам̣ иччха̄нам̣ васам̣ гато – айампи дхаммо довачассакаран̣о.

‘‘пуна чапарам̣, а̄вусо, бхиккху аттуккам̣сако хоти паравамбхӣ. йампа̄вусо, бхиккху аттуккам̣сако хоти паравамбхӣ – айампи дхаммо довачассакаран̣о.

‘‘пуна чапарам̣, а̄вусо, бхиккху кодхано хоти кодха̄бхибхӯто. йампа̄вусо, бхиккху кодхано хоти кодха̄бхибхӯто – айампи дхаммо довачассакаран̣о.

‘‘пуна чапарам̣, а̄вусо, бхиккху кодхано хоти кодхахету упана̄хӣ. йампа̄вусо, бхиккху кодхано хоти кодхахету упана̄хӣ – айампи дхаммо довачассакаран̣о.

‘‘пуна чапарам̣, а̄вусо, бхиккху кодхано хоти кодхахету абхисан̇гӣ. йампа̄вусо, бхиккху кодхано хоти кодхахету абхисан̇гӣ – айампи дхаммо довачассакаран̣о.

‘‘пуна чапарам̣, а̄вусо, бхиккху кодхано хоти кодхаса̄манта̄ [кодхаса̄мантам̣ (сйа̄. пӣ. ка.)] ва̄чам̣ ниччха̄рета̄. йампа̄вусо, бхиккху кодхано хоти кодхаса̄манта̄ ва̄чам̣ ниччха̄рета̄ – айампи дхаммо довачассакаран̣о.

‘‘пуна чапарам̣, а̄вусо, бхиккху чодито [чудито (сӣ. сйа̄. пӣ.)] чодакена чодакам̣ пат̣иппхарати. йампа̄вусо, бхиккху чодито чодакена чодакам̣ пат̣иппхарати – айампи дхаммо довачассакаран̣о.

‘‘пуна чапарам̣, а̄вусо, бхиккху чодито чодакена чодакам̣ апаса̄дети. йампа̄вусо, бхиккху чодито чодакена чодакам̣ апаса̄дети – айампи дхаммо довачассакаран̣о.

‘‘пуна чапарам̣, а̄вусо, бхиккху чодито чодакена чодакасса пачча̄ропети. йампа̄вусо, бхиккху чодито чодакена чодакасса пачча̄ропети – айампи дхаммо довачассакаран̣о.

‘‘пуна чапарам̣, а̄вусо, бхиккху чодито чодакена ан̃н̃енан̃н̃ам̣ пат̣ичарати, бахиддха̄ катхам̣ апана̄мети, копан̃ча досан̃ча аппаччайан̃ча па̄тукароти. йампа̄вусо, бхиккху чодито чодакена ан̃н̃енан̃н̃ам̣ пат̣ичарати, бахиддха̄ катхам̣ апана̄мети, копан̃ча досан̃ча аппаччайан̃ча па̄тукароти – айампи дхаммо довачассакаран̣о.

‘‘пуна чапарам̣, а̄вусо, бхиккху чодито чодакена апада̄не на сампа̄йати. йампа̄вусо, бхиккху чодито чодакена апада̄не на сампа̄йати – айампи дхаммо довачассакаран̣о.

‘‘пуна чапарам̣, а̄вусо, бхиккху маккхӣ хоти пал̣а̄сӣ. йампа̄вусо, бхиккху маккхӣ хоти пал̣а̄сӣ – айампи дхаммо довачассакаран̣о.

‘‘пуна чапарам̣, а̄вусо, бхиккху иссукӣ хоти маччхарӣ. йампа̄вусо, бхиккху иссукӣ хоти маччхарӣ – айампи дхаммо довачассакаран̣о.

‘‘пуна чапарам̣, а̄вусо, бхиккху сат̣хо хоти ма̄йа̄вӣ. йампа̄вусо, бхиккху сат̣хо хоти ма̄йа̄вӣ – айампи дхаммо довачассакаран̣о.

‘‘пуна чапарам̣, а̄вусо, бхиккху тхаддхо хоти атима̄нӣ. йампа̄вусо, бхиккху тхаддхо хоти атима̄нӣ – айампи дхаммо довачассакаран̣о.

‘‘пуна чапарам̣, а̄вусо, бхиккху сандит̣т̣хипара̄ма̄сӣ хоти а̄дха̄нагга̄хӣ дуппат̣иниссаггӣ. йампа̄вусо, бхиккху сандит̣т̣хипара̄ма̄сӣ хоти а̄дха̄нагга̄хӣ дуппат̣иниссаггӣ – айампи дхаммо довачассакаран̣о. име вуччанта̄вусо, довачассакаран̣а̄ дхамма̄.

182. ‘‘но чепи, а̄вусо, бхиккху пава̄рети – ‘ваданту мам̣ а̄йасманто, вачанӣйомхи а̄йасмантехӣ’ти, со ча хоти сувачо, совачассакаран̣ехи дхаммехи саманна̄гато, кхамо падаккхин̣агга̄хӣ ануса̄саним̣, атха кхо нам̣ сабрахмача̄рӣ ваттаббан̃чева ман̃н̃анти, ануса̄ситаббан̃ча ман̃н̃анти, тасмин̃ча пуггале висса̄сам̣ а̄паджджитаббам̣ ман̃н̃анти.

‘‘катаме ча̄вусо, совачассакаран̣а̄ дхамма̄? идха̄вусо, бхиккху на па̄пиччхо хоти, на па̄пика̄нам̣ иччха̄нам̣ васам̣ гато. йампа̄вусо, бхиккху на па̄пиччхо хоти на па̄пика̄нам̣ иччха̄нам̣ васам̣ гато – айампи дхаммо совачассакаран̣о.

‘‘пуна чапарам̣, а̄вусо, бхиккху анаттуккам̣сако хоти апаравамбхӣ. йампа̄вусо, бхиккху анаттуккам̣сако хоти апаравамбхӣ – айампи дхаммо совачассакаран̣о.

‘‘пуна чапарам̣, а̄вусо, бхиккху на кодхано хоти на кодха̄бхибхӯто. йампа̄вусо, бхиккху на кодхано хоти на кодха̄бхибхӯто – айампи дхаммо совачассакаран̣о.

‘‘пуна чапарам̣, а̄вусо, бхиккху на кодхано хоти на кодхахету упана̄хӣ. йампа̄вусо, бхиккху на кодхано хоти на кодхахету упана̄хӣ – айампи дхаммо совачассакаран̣о.

‘‘пуна чапарам̣, а̄вусо, бхиккху на кодхано хоти на кодхахету абхисан̇гӣ. йампа̄вусо, бхиккху на кодхано хоти на кодхахету абхисан̇гӣ – айампи дхаммо совачассакаран̣о.

‘‘пуна чапарам̣, а̄вусо, бхиккху на кодхано хоти на кодхаса̄манта̄ ва̄чам̣ ниччха̄рета̄. йампа̄вусо, бхиккху на кодхано хоти на кодхаса̄манта̄ ва̄чам̣ ниччха̄рета̄ – айампи дхаммо совачассакаран̣о.

‘‘пуна чапарам̣, а̄вусо, бхиккху чодито чодакена чодакам̣ наппат̣иппхарати. йампа̄вусо, бхиккху чодито чодакена чодакам̣ наппат̣иппхарати – айампи дхаммо совачассакаран̣о.

‘‘пуна чапарам̣, а̄вусо, бхиккху чодито чодакена чодакам̣ на апаса̄дети. йампа̄вусо, бхиккху чодито чодакена чодакам̣ на апаса̄дети – айампи дхаммо совачассакаран̣о.

‘‘пуна чапарам̣, а̄вусо, бхиккху чодито чодакена чодакасса на пачча̄ропети. йампа̄вусо, бхиккху чодито чодакена чодакасса на пачча̄ропети – айампи дхаммо совачассакаран̣о.

‘‘пуна чапарам̣, а̄вусо, бхиккху чодито чодакена на ан̃н̃енан̃н̃ам̣ пат̣ичарати, на бахиддха̄ катхам̣ апана̄мети, на копан̃ча досан̃ча аппаччайан̃ча па̄тукароти. йампа̄вусо, бхиккху чодито чодакена на ан̃н̃енан̃н̃ам̣ пат̣ичарати, на бахиддха̄ катхам̣ апана̄мети, на копан̃ча досан̃ча аппаччайан̃ча па̄тукароти – айампи дхаммо совачассакаран̣о.

‘‘пуна чапарам̣, а̄вусо, бхиккху чодито чодакена апада̄не сампа̄йати. йампа̄вусо, бхиккху чодито чодакена апада̄не сампа̄йати – айампи дхаммо совачассакаран̣о.

‘‘пуна чапарам̣, а̄вусо, бхиккху амаккхӣ хоти апал̣а̄сӣ. йампа̄вусо, бхиккху амаккхӣ хоти апал̣а̄сӣ – айампи дхаммо совачассакаран̣о.

‘‘пуна чапарам̣, а̄вусо, бхиккху аниссукӣ хоти амаччхарӣ. йампа̄вусо, бхиккху аниссукӣ хоти амаччхарӣ – айампи дхаммо совачассакаран̣о.

‘‘пуна чапарам̣, а̄вусо, бхиккху асат̣хо хоти ама̄йа̄вӣ. йампа̄вусо, бхиккху асат̣хо хоти ама̄йа̄вӣ – айампи дхаммо совачассакаран̣о.

‘‘пуна чапарам̣, а̄вусо, бхиккху аттхаддхо хоти анатима̄нӣ. йампа̄вусо, бхиккху аттхаддхо хоти анатима̄нӣ – айампи дхаммо совачассакаран̣о.

‘‘пуна чапарам̣, а̄вусо, бхиккху асандит̣т̣хипара̄ма̄сӣ хоти ана̄дха̄нагга̄хӣ суппат̣иниссаггӣ. йампа̄вусо, бхиккху асандит̣т̣хипара̄ма̄сӣ хоти, ана̄дха̄нагга̄хӣ суппат̣иниссаггӣ – айампи дхаммо совачассакаран̣о. име вуччанта̄вусо, совачассакаран̣а̄ дхамма̄.

183. ‘‘татра̄вусо, бхиккхуна̄ аттана̄ва атта̄нам̣ евам̣ ануминитаббам̣ [анума̄нитаббам̣ (сӣ.)] – ‘йо кхва̄йам̣ пуггало па̄пиччхо, па̄пика̄нам̣ иччха̄нам̣ васам̣ гато, айам̣ ме пуггало аппийо амана̄по; ахан̃чева кхо панассам̣ па̄пиччхо па̄пика̄нам̣ иччха̄нам̣ васам̣ гато, ахам̣па̄ссам̣ паресам̣ аппийо амана̄по’ти. евам̣ джа̄нантена̄вусо, бхиккхуна̄ ‘на па̄пиччхо бхависса̄ми, на па̄пика̄нам̣ иччха̄нам̣ васам̣ гато’ти читтам̣ уппа̄детаббам̣.

‘‘‘йо кхва̄йам̣ пуггало аттуккам̣сако паравамбхӣ, айам̣ ме пуггало аппийо амана̄по; ахан̃чева кхо панассам̣ аттуккам̣сако паравамбхӣ, ахам̣па̄ссам̣ паресам̣ аппийо амана̄по’ти. евам̣ джа̄нантена̄вусо, бхиккхуна̄ ‘анаттуккам̣сако бхависса̄ми апаравамбхӣ’ти читтам̣ уппа̄детаббам̣.

‘‘‘йо кхва̄йам̣ пуггало кодхано кодха̄бхибхӯто, айам̣ ме пуггало аппийо амана̄по. ахан̃чева кхо панассам̣ кодхано кодха̄бхибхӯто, ахам̣па̄ссам̣ паресам̣ аппийо амана̄по’ти. евам̣ джа̄нантена̄вусо, бхиккхуна̄ ‘на кодхано бхависса̄ми на кодха̄бхибхӯто’ти читтам̣ уппа̄детаббам̣.

‘‘‘йо кхва̄йам̣ пуггало кодхано кодхахету упана̄хӣ, айам̣ ме пуггало аппийо амана̄по; ахан̃чева кхо панассам̣ кодхано кодхахету упана̄хӣ, ахам̣па̄ссам̣ паресам̣ аппийо амана̄по’ти. евам̣ джа̄нантена̄вусо, бхиккхуна̄ ‘на кодхано бхависса̄ми на кодхахету упана̄хӣ’ти читтам̣ уппа̄детаббам̣.

‘‘‘йо кхва̄йам̣ пуггало кодхано кодхахету абхисан̇гӣ, айам̣ ме пуггало аппийо амана̄по; ахан̃чева кхо панассам̣ кодхано кодхахету абхисан̇гӣ, ахам̣па̄ссам̣ паресам̣ аппийо амана̄по’ти. евам̣ джа̄нантена̄вусо, бхиккхуна̄ ‘на кодхано бхависса̄ми на кодхахету абхисан̇гӣ’ти читтам̣ уппа̄детаббам̣.

‘‘‘йо кхва̄йам̣ пуггало кодхано кодхаса̄манта̄ ва̄чам̣ ниччха̄рета̄, айам̣ ме пуггало аппийо амана̄по; ахан̃чева кхо панассам̣ кодхано кодхаса̄манта̄ ва̄чам̣ ниччха̄рета̄, ахам̣па̄ссам̣ паресам̣ аппийо амана̄по’ти. евам̣ джа̄нантена̄вусо, бхиккхуна̄ ‘на кодхано бхависса̄ми на кодхаса̄манта̄ ва̄чам̣ ниччха̄ресса̄мӣ’ти читтам̣ уппа̄детаббам̣.

‘‘‘йо кхва̄йам̣ пуггало чодито чодакена чодакам̣ пат̣иппхарати, айам̣ ме пуггало аппийо амана̄по; ахан̃чева кхо пана чодито чодакена чодакам̣ пат̣иппхареййам̣, ахам̣па̄ссам̣ паресам̣ аппийо амана̄по’ти. евам̣ джа̄нантена̄вусо, бхиккхуна̄ ‘чодито чодакена чодакам̣ наппат̣иппхарисса̄мӣ’ти читтам̣ уппа̄детаббам̣.

‘‘‘йо кхва̄йам̣ пуггало чодито чодакена чодакам̣ апаса̄дети, айам̣ ме пуггало аппийо амана̄по; ахан̃чева кхо пана чодито чодакена чодакам̣ апаса̄деййам̣, ахам̣па̄ссам̣ паресам̣ аппийо амана̄по’ти. евам̣ джа̄нантена̄вусо, бхиккхуна̄ ‘чодито чодакена чодакам̣ на апаса̄десса̄мӣ’ти читтам̣ уппа̄детаббам̣.

‘‘‘йо кхва̄йам̣ пуггало чодито чодакена чодакасса пачча̄ропети, айам̣ ме пуггало аппийо амана̄по; ахан̃чева кхо пана чодито чодакена чодакасса пачча̄ропеййам̣, ахам̣па̄ссам̣ паресам̣ аппийо амана̄по’ти. евам̣ джа̄нантена̄вусо, бхиккхуна̄ ‘чодито чодакена чодакасса на пачча̄ропесса̄мӣ’ти читтам̣ уппа̄детаббам̣.

‘‘‘йо кхва̄йам̣ пуггало чодито чодакена ан̃н̃енан̃н̃ам̣ пат̣ичарати, бахиддха̄ катхам̣ апана̄мети, копан̃ча досан̃ча аппаччайан̃ча па̄тукароти, айам̣ ме пуггало аппийо амана̄по; ахан̃чева кхо пана чодито чодакена ан̃н̃енан̃н̃ам̣ пат̣ичареййам̣, бахиддха̄ катхам̣ апана̄меййам̣, копан̃ча досан̃ча аппаччайан̃ча па̄тукареййам̣, ахам̣па̄ссам̣ паресам̣ аппийо амана̄по’ти. евам̣ джа̄нантена̄вусо, бхиккхуна̄ ‘чодито чодакена на ан̃н̃енан̃н̃ам̣ пат̣ичарисса̄ми, на бахиддха̄ катхам̣ апана̄месса̄ми, на копан̃ча досан̃ча аппаччайан̃ча па̄тукарисса̄мӣ’ти читтам̣ уппа̄детаббам̣.

‘‘‘йо кхва̄йам̣ пуггало чодито чодакена апада̄не на сампа̄йати, айам̣ ме пуггало аппийо амана̄по; ахан̃чева кхо пана чодито чодакена апада̄не на сампа̄йеййам̣, ахам̣па̄ссам̣ паресам̣ аппийо амана̄по’ти. евам̣ джа̄нантена̄вусо, бхиккхуна̄ ‘чодито чодакена апада̄не сампа̄йисса̄мӣ’ти читтам̣ уппа̄детаббам̣.

‘‘‘йо кхва̄йам̣ пуггало маккхӣ пал̣а̄сӣ, айам̣ ме пуггало аппийо амана̄по; ахан̃чева кхо панассам̣ маккхӣ пал̣а̄сӣ, ахам̣па̄ссам̣ паресам̣ аппийо амана̄по’ти. евам̣ джа̄нантена̄вусо, бхиккхуна̄ ‘амаккхӣ бхависса̄ми апал̣а̄сӣ’ти читтам̣ уппа̄детаббам̣.

‘‘‘йо кхва̄йам̣ пуггало иссукӣ маччхарӣ, айам̣ ме пуггало аппийо амана̄по; ахан̃чева кхо панассам̣ иссукӣ маччхарӣ, ахам̣па̄ссам̣ паресам̣ аппийо амана̄по’ти. евам̣ джа̄нантена̄вусо, бхиккхуна̄ ‘аниссукӣ бхависса̄ми амаччхарӣ’ти читтам̣ уппа̄детаббам̣.

‘‘‘йо кхва̄йам̣ пуггало сат̣хо ма̄йа̄вӣ, айам̣ ме пуггало аппийо амана̄по; ахан̃чева кхо панассам̣ сат̣хо ма̄йа̄вӣ, ахам̣па̄ссам̣ паресам̣ аппийо амана̄по’ти. евам̣ джа̄нантена̄вусо, бхиккхуна̄ ‘асат̣хо бхависса̄ми ама̄йа̄вӣ’ти читтам̣ уппа̄детаббам̣.

‘‘‘йо кхва̄йам̣ пуггало тхаддхо атима̄нӣ, айам̣ ме пуггало аппийо амана̄по; ахан̃чева кхо панассам̣ тхаддхо атима̄нӣ, ахам̣па̄ссам̣ паресам̣ аппийо амана̄по’ти. евам̣ джа̄нантена̄вусо, бхиккхуна̄ ‘аттхаддхо бхависса̄ми анатима̄нӣ’ти читтам̣ уппа̄детаббам̣.

‘‘‘йо кхва̄йам̣ пуггало сандит̣т̣хипара̄ма̄сӣ а̄дха̄нагга̄хӣ дуппат̣иниссаггӣ, айам̣ ме пуггало аппийо амана̄по; ахан̃чева кхо панассам̣ сандит̣т̣хипара̄ма̄сӣ а̄дха̄нагга̄хӣ дуппат̣иниссаггӣ, ахам̣па̄ссам̣ паресам̣ аппийо амана̄по’ти. евам̣ джа̄нантена̄вусо, бхиккхуна̄ ‘асандит̣т̣хипара̄ма̄сӣ бхависса̄ми ана̄дха̄нагга̄хӣ суппат̣иниссаггӣ’ти читтам̣ уппа̄детаббам̣.

184. ‘‘татра̄вусо, бхиккхуна̄ аттана̄ва атта̄нам̣ евам̣ паччавеккхитаббам̣ – ‘ким̣ ну кхомхи па̄пиччхо, па̄пика̄нам̣ иччха̄нам̣ васам̣ гато’ти? саче, а̄вусо, бхиккху паччавеккхама̄но евам̣ джа̄на̄ти – ‘па̄пиччхо кхомхи, па̄пика̄нам̣ иччха̄нам̣ васам̣ гато’ти, тена̄вусо, бхиккхуна̄ тесам̣йева па̄пака̄нам̣ акусала̄нам̣ дхамма̄нам̣ паха̄на̄йа ва̄йамитаббам̣. саче пана̄вусо, бхиккху паччавеккхама̄но евам̣ джа̄на̄ти – ‘на кхомхи па̄пиччхо, на па̄пика̄нам̣ иччха̄нам̣ васам̣ гато’ти, тена̄вусо, бхиккхуна̄ тенева пӣтипа̄моджджена виха̄таббам̣ ахоратта̄нусиккхина̄ кусалесу дхаммесу.

‘‘пуна чапарам̣, а̄вусо, бхиккхуна̄ аттана̄ва атта̄нам̣ евам̣ паччавеккхитаббам̣ – ‘ким̣ ну кхомхи аттуккам̣сако паравамбхӣ’ти? саче, а̄вусо, бхиккху паччавеккхама̄но евам̣ джа̄на̄ти – ‘аттуккам̣сако кхомхи паравамбхӣ’ти, тена̄вусо, бхиккхуна̄ тесам̣йева па̄пака̄нам̣ акусала̄нам̣ дхамма̄нам̣ паха̄на̄йа ва̄йамитаббам̣. саче пана̄вусо, бхиккху паччавеккхама̄но евам̣ джа̄на̄ти – ‘анаттуккам̣сако кхомхи апаравамбхӣ’ти, тена̄вусо, бхиккхуна̄ тенева пӣтипа̄моджджена виха̄таббам̣ ахоратта̄нусиккхина̄ кусалесу дхаммесу.

‘‘пуна чапарам̣, а̄вусо, бхиккхуна̄ аттана̄ва атта̄нам̣ евам̣ паччавеккхитаббам̣ – ‘ким̣ ну кхомхи кодхано кодха̄бхибхӯто’ти? саче, а̄вусо, бхиккху паччавеккхама̄но евам̣ джа̄на̄ти – ‘кодхано кхомхи кодха̄бхибхӯто’ти, тена̄вусо, бхиккхуна̄ тесам̣йева па̄пака̄нам̣ акусала̄нам̣ дхамма̄нам̣ паха̄на̄йа ва̄йамитаббам̣. саче пана̄вусо, бхиккху паччавеккхама̄но евам̣ джа̄на̄ти – ‘на кхомхи кодхано кодха̄бхибхӯто’ти, тена̄вусо, бхиккхуна̄ тенева пӣтипа̄моджджена виха̄таббам̣ ахоратта̄нусиккхина̄ кусалесу дхаммесу.

‘‘пуна чапарам̣, а̄вусо, бхиккхуна̄ аттана̄ва атта̄нам̣ евам̣ паччавеккхитаббам̣ – ‘ким̣ ну кхомхи кодхано кодхахету упана̄хӣ’ти? саче, а̄вусо, бхиккху паччавеккхама̄но евам̣ джа̄на̄ти ‘кодхано кхомхи кодхахету упана̄хӣ’ти, тена̄вусо, бхиккхуна̄ тесам̣йева па̄пака̄нам̣ акусала̄нам̣ дхамма̄нам̣ паха̄на̄йа ва̄йамитаббам̣. саче пана̄вусо, бхиккху паччавеккхама̄но евам̣ джа̄на̄ти ‘на кхомхи кодхано кодхахету упана̄хӣ’ти, тена̄вусо, бхиккхуна̄ тенева пӣтипа̄моджджена виха̄таббам̣ ахоратта̄нусиккхина̄ кусалесу дхаммесу.

‘‘пуна чапарам̣, а̄вусо, бхиккхуна̄ аттана̄ва атта̄нам̣ евам̣ паччавеккхитаббам̣ – ‘ким̣ ну кхомхи кодхано кодхахету абхисан̇гӣ’ти? саче, а̄вусо, бхиккху паччавеккхама̄но евам̣ джа̄на̄ти – ‘кодхано кхомхи кодхахету абхисан̇гӣ’ти, тена̄вусо, бхиккхуна̄ тесам̣йева па̄пака̄нам̣ акусала̄нам̣ дхамма̄нам̣ паха̄на̄йа ва̄йамитаббам̣. саче пана̄вусо, бхиккху паччавеккхама̄но евам̣ джа̄на̄ти – ‘на кхомхи кодхано кодхахету абхисан̇гӣ’ти, тена̄вусо, бхиккхуна̄ тенева пӣтипа̄моджджена виха̄таббам̣ ахоратта̄нусиккхина̄ кусалесу дхаммесу.

‘‘пуна чапарам̣, а̄вусо, бхиккхуна̄ аттана̄ва атта̄нам̣ евам̣ паччавеккхитаббам̣ – ‘ким̣ ну кхомхи кодхано кодхаса̄манта̄ ва̄чам̣ ниччха̄рета̄’ти? саче, а̄вусо, бхиккху паччавеккхама̄но евам̣ джа̄на̄ти – ‘кодхано кхомхи кодхаса̄манта̄ ва̄чам̣ ниччха̄рета̄’ти, тена̄вусо, бхиккхуна̄ тесам̣йева па̄пака̄нам̣ акусала̄нам̣ дхамма̄нам̣ паха̄на̄йа ва̄йамитаббам̣. саче пана̄вусо, бхиккху паччавеккхама̄но евам̣ джа̄на̄ти – ‘на кхомхи кодхано кодхаса̄манта̄ ва̄чам̣ ниччха̄рета̄’ти, тена̄вусо, бхиккхуна̄ тенева пӣтипа̄моджджена виха̄таббам̣ ахоратта̄нусиккхина̄ кусалесу дхаммесу.

‘‘пуна чапарам̣, а̄вусо, бхиккхуна̄ аттана̄ва атта̄нам̣ евам̣ паччавеккхитаббам̣ – ‘ким̣ ну кхомхи чодито чодакена чодакам̣ пат̣иппхара̄мӣ’ти? саче, а̄вусо, бхиккху паччавеккхама̄но евам̣ джа̄на̄ти ‘чодито кхомхи чодакена чодакам̣ пат̣иппхара̄мӣ’ти, тена̄вусо, бхиккхуна̄ тесам̣йева па̄пака̄нам̣ акусала̄нам̣ дхамма̄нам̣ паха̄на̄йа ва̄йамитаббам̣. саче пана̄вусо, бхиккху паччавеккхама̄но евам̣ джа̄на̄ти – ‘чодито кхомхи чодакена чодакам̣ наппат̣иппхара̄мӣ’ти, тена̄вусо, бхиккхуна̄ тенева пӣтипа̄моджджена виха̄таббам̣ ахоратта̄нусиккхина̄ кусалесу дхаммесу.

‘‘пуна чапарам̣, а̄вусо, бхиккхуна̄ аттана̄ва атта̄нам̣ евам̣ паччавеккхитаббам̣ – ‘ким̣ ну кхомхи чодито чодакена чодакам̣ апаса̄демӣ’ти? саче, а̄вусо, бхиккху паччавеккхама̄но евам̣ джа̄на̄ти ‘чодито кхомхи чодакена чодакам̣ апаса̄демӣ’ти, тена̄вусо, бхиккхуна̄ тесам̣йева па̄пака̄нам̣ акусала̄нам̣ дхамма̄нам̣ паха̄на̄йа ва̄йамитаббам̣. саче пана̄вусо, бхиккху паччавеккхама̄но евам̣ джа̄на̄ти – ‘чодито кхомхи чодакена чодакам̣ на апаса̄демӣ’ти, тена̄вусо, бхиккхуна̄ тенева пӣтипа̄моджджена виха̄таббам̣ ахоратта̄нусиккхина̄ кусалесу дхаммесу.

‘‘пуна чапарам̣, а̄вусо, бхиккхуна̄ аттана̄ва атта̄нам̣ евам̣ паччавеккхитаббам̣ – ‘ким̣ ну кхомхи чодито чодакена чодакасса пачча̄ропемӣ’ти? саче, а̄вусо, бхиккху паччавеккхама̄но евам̣ джа̄на̄ти – ‘чодито кхомхи чодакена чодакасса пачча̄ропемӣ’ти, тена̄вусо, бхиккхуна̄ тесам̣йева па̄пака̄нам̣ акусала̄нам̣ дхамма̄нам̣ паха̄на̄йа ва̄йамитаббам̣. саче пана̄вусо, бхиккху паччавеккхама̄но евам̣ джа̄на̄ти – ‘чодито кхомхи чодакена чодакасса на пачча̄ропемӣ’ти, тена̄вусо, бхиккхуна̄ тенева пӣтипа̄моджджена виха̄таббам̣ ахоратта̄нусиккхина̄ кусалесу дхаммесу.

‘‘пуна чапарам̣, а̄вусо, бхиккхуна̄ аттана̄ва атта̄нам̣ евам̣ паччавеккхитаббам̣ – ‘ким̣ ну кхомхи чодито чодакена ан̃н̃енан̃н̃ам̣ пат̣ичара̄ми, бахиддха̄ катхам̣ апана̄меми, копан̃ча досан̃ча аппаччайан̃ча па̄тукаромӣ’ти? саче, а̄вусо, бхиккху паччавеккхама̄но евам̣ джа̄на̄ти – ‘чодито кхомхи чодакена ан̃н̃енан̃н̃ам̣ пат̣ичара̄ми, бахиддха̄ катхам̣ апана̄меми, копан̃ча досан̃ча аппаччайан̃ча па̄тукаромӣ’ти, тена̄вусо, бхиккхуна̄ тесам̣йева па̄пака̄нам̣ акусала̄нам̣ дхамма̄нам̣ паха̄на̄йа ва̄йамитаббам̣. саче пана̄вусо, бхиккху паччавеккхама̄но евам̣ джа̄на̄ти – ‘чодито кхомхи чодакена на ан̃н̃енан̃н̃ам̣ пат̣ичара̄ми, на бахиддха̄ катхам̣ апана̄меми, на копан̃ча досан̃ча аппаччайан̃ча па̄тукаромӣ’ти, тена̄вусо, бхиккхуна̄ тенева пӣтипа̄моджджена виха̄таббам̣ ахоратта̄нусиккхина̄ кусалесу дхаммесу.

‘‘пуна чапарам̣, а̄вусо, бхиккхуна̄ аттана̄ва атта̄нам̣ евам̣ паччавеккхитаббам̣ – ‘ким̣ ну кхомхи чодито чодакена апада̄не на сампа̄йа̄мӣ’ти? саче, а̄вусо, бхиккху паччавеккхама̄но евам̣ джа̄на̄ти – ‘чодито кхомхи чодакена апада̄не на сампа̄йа̄мӣ’ти, тена̄вусо, бхиккхуна̄ тесам̣йева па̄пака̄нам̣ акусала̄нам̣ дхамма̄нам̣ паха̄на̄йа ва̄йамитаббам̣. саче пана̄вусо, бхиккху паччавеккхама̄но евам̣ джа̄на̄ти – ‘чодито кхомхи чодакена апада̄не сампа̄йа̄мӣ’ти, тена̄вусо, бхиккхуна̄ тенева пӣтипа̄моджджена виха̄таббам̣ ахоратта̄нусиккхина̄ кусалесу дхаммесу.

‘‘пуна чапарам̣, а̄вусо, бхиккхуна̄ аттана̄ва атта̄нам̣ евам̣ паччавеккхитаббам̣ – ‘ким̣ ну кхомхи маккхӣ пал̣а̄сӣ’ти? саче, а̄вусо, бхиккху паччавеккхама̄но евам̣ джа̄на̄ти – ‘маккхӣ кхомхи пал̣а̄сӣ’ти, тена̄вусо, бхиккхуна̄ тесам̣йева па̄пака̄нам̣ акусала̄нам̣ дхамма̄нам̣ паха̄на̄йа ва̄йамитаббам̣. саче пана̄вусо, бхиккху паччавеккхама̄но евам̣ джа̄на̄ти – ‘амаккхӣ кхомхи апал̣а̄сӣ’ти, тена̄вусо, бхиккхуна̄ тенева пӣтипа̄моджджена виха̄таббам̣ ахоратта̄нусиккхина̄ кусалесу дхаммесу.

‘‘пуна чапарам̣, а̄вусо, бхиккхуна̄ аттана̄ва атта̄нам̣ евам̣ паччавеккхитаббам̣ – ‘ким̣ ну кхомхи иссукӣ маччхарӣ’ти? саче, а̄вусо, бхиккху паччавеккхама̄но евам̣ джа̄на̄ти – ‘иссукӣ кхомхи маччхарӣ’ти, тена̄вусо, бхиккхуна̄ тесам̣йева па̄пака̄нам̣ акусала̄нам̣ дхамма̄нам̣ паха̄на̄йа ва̄йамитаббам̣. саче пана̄вусо, бхиккху паччавеккхама̄но евам̣ джа̄на̄ти – ‘аниссукӣ кхомхи амаччхарӣ’ти, тена̄вусо, бхиккхуна̄ тенева пӣтипа̄моджджена виха̄таббам̣ ахоратта̄нусиккхина̄ кусалесу дхаммесу.

‘‘пуна чапарам̣, а̄вусо, бхиккхуна̄ аттана̄ва атта̄нам̣ евам̣ паччавеккхитаббам̣ – ‘ким̣ ну кхомхи сат̣хо ма̄йа̄вӣ’ти? саче, а̄вусо, бхиккху паччавеккхама̄но евам̣ джа̄на̄ти – ‘сат̣хо кхомхи ма̄йа̄вӣ’ти, тена̄вусо, бхиккхуна̄ тесам̣йева па̄пака̄нам̣ акусала̄нам̣ дхамма̄нам̣ паха̄на̄йа ва̄йамитаббам̣. саче пана̄вусо, бхиккху паччавеккхама̄но евам̣ джа̄на̄ти – ‘асат̣хо кхомхи ама̄йа̄вӣ’ти, тена̄вусо, бхиккхуна̄ тенева пӣтипа̄моджджена виха̄таббам̣ ахоратта̄нусиккхина̄ кусалесу дхаммесу.

‘‘пуна чапарам̣, а̄вусо, бхиккхуна̄ аттана̄ва атта̄нам̣ евам̣ паччавеккхитаббам̣ – ‘ким̣ ну кхомхи тхаддхо атима̄нӣ’ти? саче, а̄вусо, бхиккху паччавеккхама̄но евам̣ джа̄на̄ти – ‘тхаддхо кхомхи атима̄нӣ’ти, тена̄вусо, бхиккхуна̄ тесам̣йева па̄пака̄нам̣ акусала̄нам̣ дхамма̄нам̣ паха̄на̄йа ва̄йамитаббам̣. саче пана̄вусо, бхиккху паччавеккхама̄но евам̣ джа̄на̄ти – ‘аттхаддхо кхомхи анатима̄нӣ’ти, тена̄вусо, бхиккхуна̄ тенева пӣтипа̄моджджена виха̄таббам̣ ахоратта̄нусиккхина̄ кусалесу дхаммесу.

‘‘пуна чапарам̣, а̄вусо, бхиккхуна̄ аттана̄ва атта̄нам̣ евам̣ паччавеккхитаббам̣ – ‘ким̣ ну кхомхи сандит̣т̣хипара̄ма̄сӣ а̄дха̄нагга̄хӣ дуппат̣иниссаггӣ’ти? саче, а̄вусо, бхиккху паччавеккхама̄но евам̣ джа̄на̄ти – ‘сандит̣т̣хипара̄ма̄сӣ кхомхи а̄дха̄нагга̄хӣ дуппат̣иниссаггӣ’ти, тена̄вусо, бхиккхуна̄ тесам̣йева па̄пака̄нам̣ акусала̄нам̣ дхамма̄нам̣ паха̄на̄йа ва̄йамитаббам̣. саче пана̄вусо, бхиккху паччавеккхама̄но евам̣ джа̄на̄ти – ‘асандит̣т̣хипара̄ма̄сӣ кхомхи ана̄дха̄нагга̄хӣ суппат̣иниссаггӣ’ти, тена̄вусо, бхиккхуна̄ тенева пӣтипа̄моджджена виха̄таббам̣ ахоратта̄нусиккхина̄ кусалесу дхаммесу.

‘‘саче, а̄вусо, бхиккху паччавеккхама̄но саббепиме па̄паке акусале дхамме аппахӣне аттани саманупассати, тена̄вусо, бхиккхуна̄ саббесам̣йева имесам̣ па̄пака̄нам̣ акусала̄нам̣ дхамма̄нам̣ паха̄на̄йа ва̄йамитаббам̣. саче пана̄вусо, бхиккху паччавеккхама̄но саббепиме па̄паке акусале дхамме пахӣне аттани саманупассати, тена̄вусо, бхиккхуна̄ тенева пӣтипа̄моджджена виха̄таббам̣, ахоратта̄нусиккхина̄ кусалесу дхаммесу.

‘‘сеййатха̄пи, а̄вусо, иттхӣ ва̄ пурисо ва̄, дахаро йува̄ ман̣д̣анаджа̄тико, а̄да̄се ва̄ парисуддхе парийода̄те, аччхе ва̄ удакапатте, сакам̣ мукханимиттам̣ паччавеккхама̄но, саче таттха пассати раджам̣ ва̄ ан̇ган̣ам̣ ва̄, тассева раджасса ва̄ ан̇ган̣асса ва̄ паха̄на̄йа ва̄йамати; но че таттха пассати раджам̣ ва̄ ан̇ган̣ам̣ ва̄, тенева аттамано хоти – ‘ла̄бха̄ вата ме, парисуддхам̣ вата ме’ти. евамева кхо, а̄вусо, саче бхиккху паччавеккхама̄но саббепиме па̄паке акусале дхамме аппахӣне аттани саманупассати, тена̄вусо, бхиккхуна̄ саббесам̣йева имесам̣ па̄пака̄нам̣ акусала̄нам̣ дхамма̄нам̣ паха̄на̄йа ва̄йамитаббам̣. саче пана̄вусо, бхиккху паччавеккхама̄но саббепиме па̄паке акусале дхамме пахӣне аттани саманупассати, тена̄вусо, бхиккхуна̄ тенева пӣтипа̄моджджена виха̄таббам̣, ахоратта̄нусиккхина̄ кусалесу дхаммесӯ’’ти.

идамавоча̄йасма̄ маха̄моггалла̄но. аттамана̄ те бхиккхӯ а̄йасмато маха̄моггалла̄насса бха̄ситам̣ абхинандунти.

анума̄насуттам̣ нит̣т̣хитам̣ пан̃чамам̣.