3. ман̣итхӯн̣авима̄наваттху

1126. ‘‘уччамидам̣ ман̣итхӯн̣ам̣ вима̄нам̣, самантато два̄даса йоджана̄ни;

кӯт̣а̄га̄ра̄ саттасата̄ ул̣а̄ра̄, вел̣урийатхамбха̄ ручакаттхата̄ субха̄.

1127. ‘‘таттхаччхаси пиваси кха̄даси ча, дибба̄ ча вӣн̣а̄ паваданти ваггум̣;

дибба̄ раса̄ ка̄магун̣еттха пан̃ча, на̄рийо ча наччанти суван̣н̣ачханна̄.

1128. ‘‘кена тета̄дисо ван̣н̣о…пе…ван̣н̣о ча те саббадиса̄ пабха̄сатӣ’’ти.

1130. со девапутто аттамано…пе…йасса каммассидам̣ пхалам̣.

1131. ‘‘ахам̣ мануссесу мануссабхӯто, виване патхе сан̇каманам̣ [чан̇каманам̣ (сӣ.), чан̇камам̣ (сйа̄.), самакам̣ (ка. сӣ.)] ака̄сим̣;

а̄ра̄маруккха̄ни ча ропайиссам̣, пийа̄ ча ме сӣлаванто ахесум̣;

аннан̃ча па̄нан̃ча пасанначитто, саккачча да̄нам̣ випулам̣ ада̄сим̣.

1132. ‘‘тена мета̄дисо ван̣н̣о…пе… ван̣н̣о ча ме саббадиса̄ пабха̄сатӣ’’ти.

ман̣итхӯн̣авима̄нам̣ татийам̣.