8. пат̣хамасӯчивима̄наваттху

944. ‘‘уччамидам̣ ман̣итхӯн̣ам̣ вима̄нам̣, самантато два̄даса йоджана̄ни;

кӯт̣а̄га̄ра̄ саттасата̄ ул̣а̄ра̄, вел̣урийатхамбха̄ ручакаттхата̄ субха̄.

945. ‘‘таттхаччхаси пиваси кха̄даси ча, дибба̄ ча вӣн̣а̄ паваданти ваггум̣;

дибба̄ раса̄ ка̄магун̣еттха пан̃ча, на̄рийо ча наччанти суван̣н̣ачханна̄.

946. ‘‘кена тета̄дисо ван̣н̣о…пе… ван̣н̣о ча те саббадиса̄ пабха̄сатӣ’’ти.

948. со девапутто аттамано…пе… йасса каммассидам̣ пхалам̣.

949. ‘‘йам̣ дада̄ти на там̣ хоти,

йан̃чева даджджа̄ тан̃чева сеййо;

сӯчи динна̄ сӯчимева сеййо.

950. ‘‘тена мета̄дисо ван̣н̣о…пе… ван̣н̣о ча ме саббадиса̄ пабха̄сатӣ’’ти.

пат̣хамасӯчивима̄нам̣ ат̣т̣хамам̣.