6. пат̣хамакаран̣ӣйавима̄наваттху

926. ‘‘уччамидам̣ ман̣итхӯн̣ам̣ вима̄нам̣, самантато два̄даса йоджана̄ни;

кӯт̣а̄га̄ра̄ саттасата̄ ул̣а̄ра̄, вел̣урийатхамбха̄ ручакаттхата̄ субха̄.

927. ‘‘таттхаччхаси пиваси кха̄даси ча, дибба̄ ча вӣн̣а̄ паваданти ваггум̣;

дибба̄ раса̄ ка̄магун̣еттха пан̃ча, на̄рийо ча наччанти суван̣н̣ачханна̄.

928. ‘‘кена тета̄дисо ван̣н̣о…пе…

ван̣н̣о ча те саббадиса̄ пабха̄сатӣ’’ти.

930. со девапутто аттамано…пе…йасса каммассидам̣ пхалам̣.

931. ‘‘каран̣ӣйа̄ни пун̃н̃а̄ни, пан̣д̣итена виджа̄ната̄;

саммаггатесу буддхесу, йаттха диннам̣ махаппхалам̣.

932. ‘‘аттха̄йа вата ме буддхо, аран̃н̃а̄ га̄мама̄гато;

таттха читтам̣ паса̄детва̄, та̄ватим̣сӯпаго ахам̣ [ахум̣ (сӣ.)].

933. ‘‘тена мета̄дисо ван̣н̣о…пе…ван̣н̣о ча ме саббадиса̄ пабха̄сатӣ’’ти.

пат̣хамакаран̣ӣйавима̄нам̣ чхат̣т̣хам̣.