1. ман̣д̣ӯкадевапуттавима̄наваттху

857. ‘‘ко ме вандати па̄да̄ни, иддхийа̄ йасаса̄ джалам̣;

абхиккантена ван̣н̣ена, сабба̄ обха̄сайам̣ диса̄’’ти.

858. ‘‘ман̣д̣ӯкохам̣ пуре а̄сим̣, удаке ва̄ригочаро;

тава дхаммам̣ сун̣антасса, авадхӣ ваччхапа̄лако.

859. ‘‘мухуттам̣ читтапаса̄дасса, иддхим̣ пасса йасан̃ча ме;

а̄нубха̄ван̃ча ме пасса, ван̣н̣ам̣ пасса джутин̃ча ме.

860. ‘‘йе ча те дӣгхамаддха̄нам̣, дхаммам̣ ассосум̣ готама;

патта̄ те ачалат̣т̣ха̄нам̣, йаттха гантва̄ на сочаре’’ти.

ман̣д̣ӯкадевапуттавима̄нам̣ пат̣хамам̣.