1. сӣсӯпача̄ла̄тхерӣга̄тха̄

196. ‘‘бхиккхунӣ сӣласампанна̄, индрийесу сусам̣вута̄;

адхигаччхе падам̣ сантам̣, асечанакамоджавам̣’’.

197. ‘‘та̄ватим̣са̄ ча йа̄ма̄ ча, тусита̄ ча̄пи девата̄;

нимма̄наратино дева̄, йе дева̄ васаваттино;

таттха читтам̣ пан̣ӣдхехи, йаттха те вуситам̣ пуре’’.

198. ‘‘та̄ватим̣са̄ ча йа̄ма̄ ча, тусита̄ ча̄пи девата̄;

нимма̄наратино дева̄, йе дева̄ васаваттино.

199. ‘‘ка̄лам̣ ка̄лам̣ бхава̄бхавам̣, сакка̄йасмим̣ пураккхата̄;

авӣтиватта̄ сакка̄йам̣, джа̄тимаран̣аса̄рино.

200. ‘‘саббо а̄дӣпито локо, саббо локо падӣпито;

саббо паджджалито локо, саббо локо пакампито.

201. ‘‘акампийам̣ атулийам̣, апутхуджджанасевитам̣;

буддхо дхаммамадесеси, таттха ме нирато мано.

202. ‘‘тасса̄хам̣ вачанам̣ сутва̄, вихарим̣ са̄сане рата̄;

тиссо виджджа̄ ануппатта̄, катам̣ буддхасса са̄санам̣.

203. ‘‘саббаттха вихата̄ нандӣ, тамокхандхо пада̄лито;

евам̣ джа̄на̄хи па̄пима, нихато твамаси антака’’.

… сӣсӯпача̄ла̄ тхерӣ….

ат̣т̣хаканипа̄то нит̣т̣хито.